ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

एक्सप्रेस वेवर भरधाव मोटार नाल्यात कोसळली, एक ठार, तिघे जखमी

चिंचवड, दि. २ - भरधाव मोटारीवरील चालकाचा ताबा सुटल्याने मोटार झाडांना धडकून नाल्यामध्ये कोसळल्याने झालेल्या अपघातात एक जणाचा जागीच मृत्यू झाला. तर, तिघे जखमी झाले आहेत. हा अपघात आज (बुधवारी) पहाटे तीनच्या सुमारास पुणे-मुंबई द्रुतगती महामार्गावरील पाटण गावाजवळ घडला.

संदिपान भगवान शिंदे (वय ६०, रा. बीड), असे अपघातात मृत्यू झालेल्याचे नाव आहे. तर, सुभाष साहेबराव जगताप (वय ७०), किसन जठार (वय ७१) आणि मुक्ताराम किसन तावरे (वय ७१, सर्व रा. बीड) अशी जखमी झालेल्यांची नावे आहेत. जखमींवर पिंपरीतील वायसीएम रुग्णालयात उपचार सुरू आहेत.

मिळालेल्या प्राथमिक माहितीनुसार, पुणे-मुंबई महामार्गावरून इनोव्हा (एमएच २३ एके ३८८८) या मोटारीतून मुंबईहून पुण्याच्या दिशेने येत होते. पाटण गावाजळून येत असताना भरधाव मोटारीवरील चालकाचा ताबा सुटल्याने मोटार रस्त्याच्या खाली उतरून तीन झाडांना जोरात धडकली आणि नाल्यात कोसळली. यामध्ये एकाचा जागीच मृत्यू झाला. तर, तिघे गंभीर जखमी असून त्यांच्यावर पिंपरीतील वायसीएम रुग्णालयात उपचार सुरू आहेत.