ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

कासारवाडीच्या अल्फा लावल कंपनीतील कामगारांचे आंदोलन

कासारवाडी, दि. ३ - चार वर्षांपूर्वी कासारवाडी येथील अल्फा लावल कंपनी प्रशासनाने ४०२ कर्मचा-यांना अचानक काढून टाकले. या निर्णयाच्या विरोधात कर्मचाऱ्यांनी मागील चार वर्षांपासून पाठपुरावा केला. परंतु कंपनीने त्यांच्याकडे दुर्लक्ष केल्याने राष्ट्रीय श्रमिक आघाडी संघटनेतर्फे आज सकाळपासून पुन्हा कामगारांनी कंपनीच्या प्रवेशद्वारासमोर आंदोलन पुकारले आहे.

पुणे-मुंबई महामार्गावर कासारवाडी येथील अल्फा लावल कंपनी प्रशासनाने कंपनीतील ४०२ कर्मचा-यांना १ ऑक्टोबर २०१३ रोजी अचानक घरचा रस्ता दाखवला. मागील चार वर्षांपासून कर्मचारी विविध मार्गाने कंपनी प्रशासनास विनंती करीत आहेत. राष्ट्रीय श्रमिक आघाडी संघटनेतर्फे आज सकाळपासून पुन्हा कामगारांनी कंपनीच्या प्रवेशद्वारासमोर आंदोलन पुकारले आहे.

याबाबत राष्ट्रीय श्रमिक आघाडीचे अध्यक्ष यशवंत भोसले यांनी सांगितले की, अल्फा लवाल कंपनीतील कामगारांनी कामगार संघटना तयार केली; याचा राग धरून कंपनीने ही कारवाई केली आहे. त्यामुळे अचानक घरी पाठवण्यात आलेल्या कामगारांच्या घरावर आर्थिक कु-हाड कोसळली आहे. कामगारांनी अनेक मार्गांनी कंपनी प्रशासनाला घरी बसवण्यात आलेल्या कामगारांना पुन्हा कामावर घेण्याबाबत विनंती केली, परंतु कंपनी प्रशासनाने त्यावर जाणीवपूर्वक डोळेझाक केली आहे. त्यामुळे नाईलाजास्तव कामगारांना धरणे आंदोलन करावे लागत आहे.

भोसले म्हणाले की, अल्फा लवाल कंपनीत कंत्राटी कामगार भरतीला बंदी आणण्याबाबत शासनाने आदेश दिले आहेत. त्या आदेशांना जुमानता कंत्राटी कामगारांची भरती करण्यात आली आहे. चार वर्षांपूर्वी ४०२ कामगारांवर जी वेळ आली तीच वेळ सध्या कार्यरत असलेल्या कामगारांवर देखील येणार आहे. त्यामुळे कामगारांना जोपर्यंत न्याय मिळत नाही, तोपर्यंत हे आंदोलन करण्यात येणार आहे.