ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

विनापरवाना मंडप उभारणा-यांवर कारवाई करण्याचा पालिकेचा इशारा

चिंचवड, दि. २४ - पिंपरी-चिंचवड शहरात गणेश मंडळांनी विनापरवाना मंडप उभारल्यास ते बेकायदेशीर ठरवून त्यावर तातडीने कारवाई करण्याचा इशारा पालिकेने दिला आहे. तसेच विनापरवाना मंडप उभारणा-या मंडळावर फौजदारी गुन्हा दाखल करण्याचे आदेश आयुक्त श्रावण हर्डीकर यांनी क्षेत्रीय कार्यालयांना दिले आहेत.

पिंपरी-चिंचवड शहरात गणेशोत्सवाची धामधूम सुरू आहे. शहरात हजारो गणेश मंडळे आहेत. त्यातील मोजकीच मंडळे महापालिका तसेच पोलीस प्रशासनाची परवानगी घेतात. तर, काही मंडळे परवानगी घेताच बेकायदेशीर पद्धतीने रहदारीच्या रस्त्यावर पत्रा शेड मारून मंडप उभारतात. मात्र, यावर्षी कोणत्याही गणेश मंडळांना नियमभंग केल्यास सुटका मिळणार नाही. अशा गणेश मंडळांचे पत्राशेड, डेकोरेशन, कमानी तपासण्यासाठी आयुक्त श्रावण हार्डीकर यांनी तपासणी अधिका-यांच्या नियंत्रणाखाली पथक नेमले आहे.

या पथकाद्वारे वाहतुकीला अडथळा ठरणा-या पत्राशेड डेकोरेशनची पाहणी केली जाणार आहे. त्यानंतर अशा गणेश मंडळांच्या पदाधिका-यांच्या विरोधात फौजदारी गुन्हे दाखल केले जाणार आहेत. त्यानंतर पालिकेच्या बांधकाम परवानगी अनधिकृत बांधकाम नियंत्रण विभागाद्वारे मंडप हटवण्याचीही कारवाई केली जाणार आहेत, असे आदेशच आयुक्त हार्डीकर यांनी प्रभाग अधिका-यांना दिले आहेत.

गणेशोत्सवात मंडप, स्टेज उभारण्यासाठी मंडळांनी पोलिसांची तसेच महापालिकेची परवानगी घ्यावी, परवानगी घेण्यासाठी उद्या गुरूवार (दि. 24) पर्यंत मुदत आहे. परवानगी प्राप्त करण्यासाठी www.punepolice.co.in या संकेतस्थळावर ऑनलाईन अर्ज करावयाचा आहे.