ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

निगडी येथे केरळी बांधवांचा ओणम सण उत्साहात साजरा

निगडी, दि. ४ - पुणे शहरात भारतातील विविध शहरांमधील लोक गुण्या गोविंदाने वास्तव्य करीत आहेत. त्यामुळे भारतातील जवळपास सर्व सण-उत्सव पुणे पिंपरी चिंचवड शहरात उत्साहात साजरे करण्यात येतात. आज, (सोमवारी) निगडी प्राधिकरण परिसरात केरळी लोकांचा पवित्र सण 'ओणम' उत्साहात साजरा करण्यात आला.

निगडी प्राधिकरण भागात केरळी लोकांचे वास्तव्य मोठ्या प्रमाणात आहे. त्यामुळे ओणमचा उत्सव निगडी भागात मोठ्या प्रमाणात पाहायला मिळतो. ओणम केरळचा प्रमुख उत्सव आहे. महिलांनी निगडी येथील कृष्ण मंदिरात आकर्षक रांगोळी काढून उत्सवाची सुरुवात केली. तसेच प्रसाद म्हणून खीर वाटण्यात आली.

ओणम उत्सवाविषयी एक आख्यायिका आहे की, सम्राट महाबली हा केरळचा समृद्ध राजा होता. तो खूप दानधर्म करीत असे. खुद्द भगवान विष्णूला सम्राट महाबलीचा मत्सर वाटू लागल्याने विष्णूने वामनाचा अवतार घेऊन महाबलीकडे तीन पावले जागा मागितली. सम्राट महाबलीने त्याची इच्छा पूर्ण करण्याची परवानगी दिली. वामनाने दोन पावले टाकली परंतु तिसरे पाऊल टाकण्यासाठी जागा नसल्याने महाबलीने तिसरे पाऊल आपल्या मस्तकावर ठेवण्यास संगितले. वामनाने तिसरे पाऊल महाबलीच्या मस्तकावर ठेऊन त्याला धर्तीवरून गायब केले. त्यावेळी महाबलीने वामनाकडे एक इच्छा व्यक्त केली; ती म्हणजे वर्षातून एक वेळ आपल्या प्रजेला भेटण्यासाठी आपल्याला येता यावं. वामनाने ही इच्छा मान्य केली. तेव्हापासून वर्षातून एक वेळ सम्राट महाबली आपल्या प्रजेला भेटण्यासाठी येतात. तो दिवस केरळी लोक मोठ्या उत्साहात साजरा करतात.

बाहेरील प्रांतामध्ये राहणारे केरळी बांधव या उत्सवासाठी केरळ राज्यात आपल्या गावी जाण्यासाठी आतुर असतात. ओणमच्या माध्यमातून केरळच्या बहुढंगी संस्कृतीला जाणून घेण्याची संधी मिळते.