ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

फुटबॉल स्पर्धेत ताथवडे येथील इंदिरा कॉलेज विजयी

आंतरमहाविद्यालयीन युवोत्‍सव-२०१७ मध्ये ३६ संघांचा सहभाग

पिंपरी, दि. १३ - निगडी येथील पिंपरी चिंचवड एज्युकेशन ट्रस्‍टच्या एस. बी. पाटील इन्स्टिटयूट ऑफ मॅनेजमेंट महाविद्यालयाने आयोजित केलेल्या युवोत्‍सव-2017 क्रीडा स्पर्धेतील फुटबॉल स्पर्धेत ताथवडे येथील इंदिरा कॉलेज ऑफ कॉमर्स ॲण्ड सायन्स महाविद्यालयाने निगडीतील पिंपरी चिंचवड अभियांत्रिकी महाविद्यालयावर दोन गोलने विजय मिळवला.

निगडी येथील पिंपरी चिंचवड एज्युकेशन ट्रस्‍ट संचलित एस. बी. पाटील इन्स्टिटयूट ऑफ मॅनेजमेंट महाविद्यालयात तीन दिवसीय 'युवोत्‍सव - 2017' या आंतरमहाविद्यालयीन क्रीडा स्पर्धेचे आयोजन करण्यात आले होते. या स्पर्धेत पुणे जिल्‍हयातील ३६ संघ सहभागी झाले होते. सर्व विजेत्‍या संघास आणि सर्वोकृष्ट खेळाडुंना महाराष्ट्र रणजी क्रिकेट संघाचे माजी कर्णधार मिलिंद गुंजाळ यांच्या हस्ते रोख पारितोषिक, स्मृतीचिन्ह व प्रमाणपत्र देवून गौरवण्यात आले. यावेळी पिंपरी चिंचवड एज्युकेशन ट्रस्‍टचे विश्वस्त भाईजान काझी, संचालक डॉ. डॅनियल पेणकर, डॉ. हंसराज थोरात आदी उपस्थित होते.

इंदिरा कॉलेजच्या अमेय पारखी याने सामन्याच्या सुरुवातीला आठव्या मिनिटाला पहिला गोल केला. अठराव्या मिनिटाला शुभम गायकवाड याने फ्रि कीकवर दुसरा गोल करून सामन्यावर वर्चस्व मिळविले. बेस्ट गोलकीपर - आकाश बटवा, बेस्ट गोल स्कोरर - ईश्वर चव्हाण, बेस्ट प्रॉमिसिंग प्लेअर - केविन घाडगे. प्रथम क्रमांक संघ - इंदिरा कॉलेज ऑफ कॉमर्स ॲण्ड सायन्स, ताथवडे, व्दितीय क्रमांक संघ - पिंपरी चिंचवड कॉलेज ऑफ इंजिनियरिंग, निगडी, तृतीय क्रमांक संघ - डॉ. डी. वाय. पाटील महाविद्यालय, आकुर्डी. स्पर्धेचे संयोजन प्रा. अमरीश पद्मा आणि प्रा. काजल माहेश्वर यांच्या मार्गदर्शनाखाली शिक्षक, आजी-माजी विद्यार्थी यांनी केले होते.

आपल्या मोबाईलवर न्यूज मेट्रोचा अ‍ॅप डाऊनलोड करण्यासाठी खालील लिंकला क्लीक करा
https://play.google.com/store/apps/details?id=com.newsmetro.news