ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

गोलंदाजांच्या क्रमवारीत आर. अश्विन दुस-या स्थानावर

नवी दिल्ली, दि. २१ - आंतरराष्ट्रीय कसोटी गोलंदाजांच्या क्रमवारीत भारतीय संघाचा फिरकीपटू रविंद्र जडेजाने अव्वल स्थानावर कब्जा केला आहे. तर अवघ्या सात गुणांच्या फरकाने अश्विनला क्रमवारीत दुसरे स्थान मिळाले आहे. 
जडेजाने रांची कसोटीत दोन्ही डावात मिळून ९ विकेट्स घेतल्या होत्या, तर अश्विनला केवल २ विकेट्स मिळाल्या. 
रांची कसोटीपूर्वी अश्विन आणि जडेजा क्रमवारीत सामाईकरित्या अव्वल स्थानी होते. पण रांची कसोटीत जडेजा अश्विनपेक्षा वरचढ ठरला आणि याचा परिणाम आंतरराष्ट्रीय क्रमवारीवर देखील झाला. ८९९ गुणांसह जडेजा पहिल्या क्रमांकाचा गोलंदाज ठरला, तर अश्विन ८९२ गुणांसह दुस-या स्थानावर आहे. रांची कसोटीचा निकाल लागू न शकल्याने मालिकेत भारत आणि ऑस्ट्रेलियात १-१ अशी बरोबरी कायम आहे. धर्मशाला येथे होणारा चौथा कसोटी सामना निर्णायक ठरणार आहे. धर्मशाला कसोटीत चांगली कामगिरी करून जडेजाला ९०० गुणांचा पल्ला गाठण्याचा विक्रम करता येणार आहे. याआधी अश्विनने ९०० गुणांपर्यंत मजल मारली होती. त्यानंतर कोणत्याच भारतीय गोलंदाजाला आयसीसी क्रमवारीत एका मोसमात ९०० गुण प्राप्त करता आले नव्हते.
दरम्यान आयसीसीच्या कसोटी फलंदाजांच्या क्रमवारीत फलंदाजांच्या बाबतीत भारताचा ‘मिस्टर डिपेन्डेबल’ चेतेश्वर पुजारा याने थेट दुस-या स्थानावर झेप घेतली आहे. ऑस्ट्रेलियाचा कर्णधार स्टीव्ह स्मिथ ९४१ गुणांसह अव्वल स्थानावर आहे. तर पुजाराने ८६१ गुण मिळवत दुसरे स्थान गाठले आहे. पुजाराने इंग्लंडचा जो रुट (८४८) आणि भारताचा कर्णधार विराट कोहली (८२६) यांना मागे टाकले आहे. पुजाराने रांची कसोटीत महत्त्वाच्या क्षणी मैदानात टीच्चून फलंदाजी करत २०२ धावांची खेळी साकारली होती. पुजाराच्या द्विशतकामुळे भारतीय संघाला पहिल्या डावात ऑस्ट्रेलियावर समाधानकारक आघाडी घेता आली..