ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

क्रिकेटमध्ये ऑक्टोबरपासून लागू होणार नवे नियम

मुंबई, दि. १२ - ज्या प्रमाणे क्रिकेट खेळण्याच्या प्रकारांमध्ये बदल होत गेले त्याचप्रमाणे त्याचे नियमही बदलले गेले आहेत. क्रिकेटसाठी आता नव्याने नियम तयार करण्यात आले असून आता ऑक्टोबरपासून हे नवे नियम अंमलात येण्याची शक्यता आहेमेलबर्न क्रिकेट क्लब म्हणजेच एमसीसीने हे नवे नियम जाहीर केले असून ऑक्टोबरपासून हे नियम लागू होणार असल्याने क्रिकेटची मजा आणखी वाढणार असल्याचे आहे.

धाव घेताना फलंदाजाने बॅट टेकवता क्रीझ ओलांडली तर त्याला आऊट करता यायचे. कारण क्रीझमध्ये आल्यानंतर बॅट टेकवणे आवश्यक होते. यासाठी अनेक फलंदाजांना बराच त्रास होत होता, ही गोष्ट लक्षात घेऊन नवा नियम करण्यात आला आहे. आता नव्या नियमानुसार फलंदाजाने क्रीझ ओलांडली तरी तो सुरक्षित असेल त्याला बॅट टेकवण्याची गरज नाही.
त्याचप्रमाणे एखाद्या क्रिकेटपटूने गैरवर्तणूक केली तर त्याला त्या सामन्यासाठी किंवा थोड्या वेळासाठी निलंबित करण्याचे अधिकार पंचांना असणार आहे. फुटबॉल खेळातून हा नियम घेण्यात आला आहे.

बॅटची रूंदी, जाडी किती असावी यावर बंधन असणार. बॅट १०८ मिलिमीटर पेक्षा रूंद नसावी आणि त्याची जाडी ६७ मिलीमीटर पेक्षा जास्त नसावी असा नवा नियम करण्यात आला आहे. बॅटची कडा ही ४० मिलीमीटर पेक्षा जास्त नसावी असेही या नवीन नियमात नमूद करण्यात आले आहे. फलंदाजाला जखमी करण्यासाठी क्रीझची मर्यादा ओलांडून गोलंदाज नो बॉल मुद्दाम टाकतात. अशा गोलंदाजांना लगाम लावण्यासाठी देखील नियम बनवण्यात आला आहे. फलंदाजाला जखमी करण्याच्या दृष्टीने नो बॉल मुद्दाम टाकण्यात आला तर तो बिमर समजला जाईल आणि त्या गोलंदाजाला दंडही भरावा लागेल.

हे नवीन नियम तयार करण्यासाठी जी समिती गठीत करण्यात आली होती त्या समितीमध्ये माजी कर्णधार सौरव गांगुली आणि ऑस्ट्रेलियाचा माजी कर्णधार रिकी पॉन्टींग यांचा समावेश होता.