ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

रैनाची प्रगल्भता, ऋषभ पंतची पाठ थोपटली

मुंबई, दि. ५ - संजू सॅमसन ६१ आणि ऋषभ पंतच्या धडाकेबाज ९७ धावांमुळे दिल्ली डेअरडेव्हिल्सने गुजरात लायन्सवर विकेट्स राखून विजय मिळवला. कोटला स्टेडियमवरच्या या सामन्यात गुजरातनं दिल्लीला विजयासाठी २०९ धावांचं भलंमोठं आव्हान दिलं होतं. पण सॅमसन आणि पंतनं दुसऱ्या विकेटसाठी ६३ चेंडूंत केलेल्या १४३ धावांच्या भागिदारीनं त्या आव्हानातली हवाच काढून घेतली.

ऋषभ पंतचं शतक अवघ्या तीन धावांनी हुकलं. त्यानं ४३ चेंडूंत सहा चौकार आणि नऊ षटकारांसह ९७ धावांची खेळी करून दिल्लीला विजयपथावर नेऊन ठेवलं. सलामीच्या संजू सॅमसननं ३१ चेंडूंत सात षटकारांसह ६१ धावांची खेळी करून दिल्लीच्या विजयात मोलाचा वाटा उचलला.

रैनाची ऋषभ पंतला शाबासकी

ऋषभ पंत ९७ धावांवर आऊट झाला, त्यावेळी ३ धावांनी शतक हुकल्याने तो थोडासा निराश झाला. मात्र त्याचवेळी गुजरातचा कर्णधार सुरेश रैना ऋषभ पंतजवळ येऊन त्याच्या पाठीवर शाबासकीची थाप दिली. रैनाने ऋषभ पंतचं मनोबल उंचावण्यासाठी मैदानावरच त्याच्या खेळीचं कौतुक केलं. ऋषभ पंत झेलबाद झाल्यावर, रैना तातडीने त्याच्याकडे आला. रैनाने ऋषभ पंतच्या हेल्मेटवर आपुलकीने थाप मारली आणि त्याच्या खांद्यावर हात ठेवले.विरोधी संघाचा कर्णधार असला तरी रैनाने प्रगल्भता दाखवून ऋषभचं केलेलं कौतुक नक्कीच भावणारं आहे.