ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

भारतीय महिला क्रिकेट संघाची विश्वविक्रमाला गवसणी

नवी दिल्ली, दि. १६ - भारताच्या शिरपेचात आंतरराष्ट्रीय महिला एकदिवसीय क्रिकेटमध्ये विश्वविक्रमी कामगिरी करत महिला संघाने आणखी एक मानाचा तुरा खोवला असून दीप्ति शर्मा आणि पूनम राउत या जोडीने आयर्लंडविरूद्ध झालेल्या सामन्यात चक्क ३२० धावांची भागीदारी केली आहे. ही भागीदारी पहिल्या विकेटसाठी करण्यात आली असून, आंतरराष्ट्रीय महिला एकदिवसीय क्रिकेटमध्ये कोणत्याही विकेटसाठी ही सर्वात मोठी भागीदारी ठरली आहे.

दीप्ती शर्माने भारताच्या वतीने उत्कृष्ट खेळी करत पहिले शतक आणि त्यानंतरचे अर्धशतक वेगाने झळकवले. त्यानंतर ती आपले दुसऱे शतकही पूर्ण करेल अशी जोरदार आशा असतानाच १८८ धावा करून ती बाद झाली. त्यामुळे अवघ्या १२ धावांनी तिचे द्विशतक हुकले. अन्यथा दिप्तीच्या नावावर हाही एक विक्रम ठरला असता. पण दिप्तीने केलेल्या १८८ धावा हा भारतीय महिला क्रिकेटमधील नवा विक्रम ठरला आहेच. परंतू, आंतरराष्ट्रीय महिला क्रिकेटमध्येही हा एक विक्रमच असून, दीप्तीने उभारलेली धावसंख्या ही महिला क्रिकेटमधील सर्वोच्च वैयक्तिक धावसंख्या ठरली आहे.

दीप्तीने उत्कृष्ठ विक्रमी खेळी साकारताना २६ चौकार आणि षटकार ठोकत १६० चेंडूंमध्ये १८८ धावा केल्या. तर, पूनम राउतने १०९ धावांची खेळी करून दीप्तिला चांगली साथ दिली. दरम्यान, १०९ धावांची खेळी करून पूनम रिटायर्ड झाली. दरम्यान, दीप्ती आणि पूनमने उभारून दिलेल्या भक्कम धावसंख्येच्या जोरावर भारताने खेळाडू बाद ३५८ धावा केल्या. ३५९ धावांचा सामना करायला उतरलेल्या आयर्लंडच्या संघाचा भारतीय महिला गोलंदाजांपूढे टीकाव लागला नाही. आयर्लंडचा अख्खा संघ ४० षटकात केवळ १०९ धावांमध्ये गारद झाला.