ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

आता टी-२०मध्ये देखील डीआरएस

लंडन, दि. २६ (वृत्तसंस्था) - या पुढे डीआरएस पद्धतीचा अवलंब टी-२० आंतरराष्ट्रीय क्रिकेट सामन्यात केला जावा, अशी शिफारस भारताचे प्रमुख प्रशिक्षक अनिल कुंबळेच्या नेतृत्वाखाली झालेल्या आयसीसीच्या क्रिकेट समितीने केली आहे. तसेच मैदानावर बेशिस्त वर्तन करणा-या क्रिकेटपटूंना मैदानाबाहेर काढण्याचा अधिकार द्यावा, असे या समितीच्या बैठकीमध्ये सुचित करण्यात आले आहे.

सामन्यामध्ये पंचांनी फलंदाजाला पायचीत बाद झाल्याचा निर्णय घेतल्यानंतर कोणताही संघ पंचाच्या या निर्णयाविरूद्ध डीआरएस पद्धतीची मागणी करतो. या पद्धतीचा अवलंब कसोटी क्रिकेटमध्ये करण्यासाठी विविध देशांकडून सहकार्य अपेक्षित आहे. डीआरएस पद्धतीचा अवलंब आंतरराष्ट्रीय क्रिकेटच्या भविष्यकाळात महत्त्वाचा ठरेल, असेही या बैठकीमध्ये सांगण्यात आले. २०१७च्या क्रिकेट नियमावलीमध्ये काही नवे बदल या समितीतर्फे सुचविण्यात आले आहेत.

या समितीने मैदानावर बेशिस्त वर्तन करणा-या क्रिकेटपटूला मैदानाबाहेर काढण्याचा अधिकार मैदानावरील पंचांना दिले जावे, अशी शिफारस केली आहे. दोन दिवस चाललेल्या या समितीच्या बैठकीमध्ये विविध सूचना करण्यात आल्या. या बैठकीला या समितीचे सदस्य क्लेरी कॉनर, राहुल द्रविड, ग्रिफीथ, महेला जयवर्धने, डेव्हिड केंड्रीक्स, किटलबॉरो, डरेन लिमन, रंजन मदुगुले, टीम मे, केव्हीन ओब्रायन, शॉन पोलॉक, जॉन स्टिफनसन, स्ट्रॉस, डेव्हिड व्हाईट उपस्थित होते.