ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

मुख्य प्रशिक्षकपदी कुंबळे कायम राहणार

मुंबई, दि. ९ - कर्णधाराचा विरोध असला तरीही भारतीय क्रिकेट संघाच्या मुख्य प्रशिक्षकपदी माजी कर्णधार आणि जगद्विख्यात लेग स्पीनर अनिल कुंबळे यांना मुदतवाढ देण्याची क्रिकेट सल्लागार समितीची शिफारस असल्याचा दावा भारतीय क्रिकेट नियामक मंडळाच्या सूत्रांनी केला आहे.

मास्तर ब्लास्टर सचिन तेंडुलकर, माजी कर्णधार सौरभ गांगुली आणि शैलीदार माजी फलंदाज व्ही व्ही व्ही एस लक्ष्मण यांचा समावेश असलेल्या सल्लागार समितीची बैठक गुरुवारी रात्री उशिरापर्यंत पार पडली. या बैठकीत कुंबळे यांना मुदतवाढ देण्याची शिफारस करण्याचा निर्णय घेण्यात आल्याचे सूत्रांनी सांगितले. कुंबळे यांच्यासह माजी अष्टपैलू खेळाडू रवी शास्त्री हे देखील प्रशिक्षकपदाच्या शर्यतीत असून कर्णधार विराट कोहलीची शास्त्री यांच्या नावालाच पसंती असल्याचे सांगितले जाते.

सल्लागार समितीची बैठक नुकतीच पार पडली असून त्यामध्ये मुख्य प्रशिक्षक निवडीच्या प्रक्रियेबाबत चर्चा करण्यात आली. समितीने योग्य वेळी आपली शिफारस अहवाल बीसीसीआयकडे सुपूर्त करण्याचा निर्णय घेतला आहे; असे गुरुवारी रात्री उशिरा बीसीसीआयने प्रसिद्धीपत्रकात म्हटले आहे. मुख्य प्रशिक्षक पदावर कुंबळे अथवा ज्या कोणाची निवड होईल; त्यांच्याशी सन २०१९ मध्ये होणाऱ्या विश्वचषक स्पर्धेपर्यंत हे पद सांभाळण्यासाठी करार केला जाईल; असे बीसीसीआयचे प्रभारी अध्यक्ष सी के खन्ना यांनी सांगितले.

एकीकडे कुंबळे यांच्या मार्गदर्शनाखाली भारतीय संघाने चमकदार कामगिरी केली आहे. मात्र दुसरीकडे कर्णधाराचा कुंबळे यांच्या नावाला विरोध आहे. क्रिकेटचा संघ प्रत्यक्ष मैदानात कर्णधाराच्या नेतृत्वाखाली कामगिरी बजावीत असतो. त्यामुळे कर्णधाराच्या मताचा सन्मान करणेही आवश्यक आहे. अशा कात्रीत सल्लागार समिती आणि बीसीसीआय अडकली आहे.