ब्रेकिंग न्यूज
सावंतवाडी स्थानकाजवळ दुरांतो एक्स्प्रेसचे डबे रुळावरून घसरले      इंडोनेशियात फटाक्यांच्या कारखान्याला आग, २३ ठार, ४३ जखमी      ताजमहालची सफाई करण्यापेक्षा योगींनी आपल्या पक्षातल्या लोकांची कलुषित मने स्वच्छ करावी : असदुद्दिन ओवैसी      महालक्ष्मी एक्स्प्रेस वर मध्यरात्री दरोडा, जेजुरी राजेवाडी स्टेशन येथील घटना, सिग्नल नादुरुस्त करून केली लूट      पर्यटनासाठी आलेल्या स्वित्झर्लंडच्या एका जोडप्याला उत्तर प्रदेशच्या फतेहपूर सीक्रीत एका टोळक्याने केली मारहाण      मुंबै बँकेकडून राधाकृष्ण विखे-पाटील यांना नियमबाह्य कर्ज? विखेंच्या डबघाईस आलेल्या कंपनीला 35 कोटींचं कर्ज.      मुंबई - छेडछाडीच्या भीतीने तरुणीने ट्रेनमधून उडी मारल्याचं प्रकरण, आरोपीला रेल्वे पोलिसांकडून अटक.      चंदू चव्हाण यांना तीन महिन्यांची शिक्षा, एलओसी ओलांडल्याप्रकरणी चंदू चव्हाण दोषी      अमिताभ बच्चन यांच्या अनधिकृत बांधकामास एमआरटीपीची नोटीस      गडचिरोलीतील 1036 गावांनी घेतला नक्षल गावबंदीचा ठराव
...

कुंबळेंच्या ‘अधिकारशाही’मुळे हैराण झाले होते खेळाडू

नवी दिल्ली, दि. २४ (वृत्तसंस्था) - टीम इंडियाच्या प्रशिक्षकपदावरुन भारताचे माजी क्रिकेटपटू अनिल कुंबळे पायउतार झाल्यापासून भारतीय क्रिकेटमध्ये नव्या वादळाची सुरुवात झाली असून रोज नवनवीन धक्कादायक बातम्या कुंबळे आणि कर्णधार विराट कोहली यांच्यातील कथित वादाबद्दल समोर येत आहेत. या संपूर्ण वादामध्ये आतापर्यंत ज्या गोष्टी समोर आल्यात त्यामध्ये कुंबळे नायक तर, कोहली खलनायक ठरला आहे. अनिल कुंबळे चांगले प्रशिक्षक होते तर, टीम इंडियाचे सिनियर खेळाडू बेशिस्त आहेत अशी प्रतिमा माध्यमांनी तयार केली आहे.

पण आता खेळाडूंची बाजू सुद्धा समोर आली असून ड्रेसिंगरुममध्ये वर्चस्व, अधिकारशाही गाजवण्याचा अनिल कुंबळे यांचा स्वभाव खेळाडूंना खटकत होता. त्यांच्यात आणि कोहलीमध्ये संघ निवडीवरुन मतभेद व्हायचे असे वृत्त टाइम्स ऑफ इंडियाने टीम इंडियाच्या जवळच्या सूत्रांच्या हवाल्याने दिले आहे. आपल्या पसंतीचा संघ हा प्रत्येक कर्णधाराला हवा असतो. सौरव, राहुल, धोनी आणि आता विराटही त्याला अपवाद नाही. प्रशिक्षकाकडे आंतरराष्ट्रीय स्तरावर खेळणा-या क्रिकेटपटूला कसे हाताळण्याचे त्याचे कौशल्य असावे लागते.

पण कुंबळे खेळाडूंशी संवाद साधताना यांच्यातला कठोर प्रशिक्षक जागा व्हायचा. खेळाडूंना हाताळण्याची कुंबळे यांची पद्धत कोहलीला अजिबात पटत नव्हती. कोहली आणि क्रिकेट सल्लागार समितीमध्ये चॅम्पियन्स ट्रॉफी स्पर्धा सुरु असताना चार तासांची बैठक झाली. कोहलीने या बैठकीत त्याला वाटणा-या चिंता, कुंबळे यांचे काय चुकते आहे ते सर्व त्याने सल्लागार समितीला सांगितले. संघातील अनेक खेळाडूंना कुंबळे यांची एकधिकारशाही खटकत होती. आयपीएलमध्ये त्यांच्यासोबत काम केलेल्या काही खेळाडूंनी कुंबळेंशी जुळवून घेणे कठिण असल्याचे म्हटले होते. मागच्यावर्षी वेस्ट इंडिज दौ-यापासून कुंबळे आणि कोहली यांच्यात मतभेदाला सुरुवात झाली. आपण नाही समोरचा चुकतो आहे या विचारसरणीमुळे मतभेद जास्त वाढले.