ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

बॅडमिंटन डबल्सला अच्छे दिन दाखविणार ज्वाला

हैदराबाद, दि. ६ (वृत्तसंस्था) - बॅडमिंटनमध्ये एकेरी खेळात भारतीय खेळाडू उत्तम कामगिरी करीत आहेत. दुहेरी मात्र कायमच उपेक्षित राहिली आहे. आपल्या प्रशिक्षकपदाच्या कारकिर्दीत दुहेरी बॅडमिंटनलाअच्छे दिनदाखविण्यासाठी पूर्ण प्रयत्न करू; अशी ग्वाही आंतरराष्ट्रीय ख्यातीची बॅडमिंटनपटू ज्वाला गुट्टा हिने दिली. देशात उत्तम बॅडमिंटन खेळाडूंच्या किमान जोड्या घडविण्याचे आपले ध्येय असल्याचे तिने सांगितले.

भारतीय बॅडमिंटन संघटनेने महिलांच्या दुहेरी बॅडमिंटन संघाच्या प्रशिक्षकपदी नुकतीच ज्वालाची निवड केली आहे. ज्वालाने सन २०११ च्या वर्ल्ड चॅंपियनशिप स्पर्धेत कांस्यपदक पटकाविले आहे.

भारतात दुहेरी बॅडमिंटन कायमच उपेक्षित राहिले आहे. दुहेरी खेळाडूंना आवश्यक साधनसामुग्री उपलब्ध होत नाही. प्रायोजक मिळत नाहीत. प्रोत्साहन आणि प्रसिद्धी मिळत नाही. त्यामुळे उदयोन्मुख बॅडमिंटन खेळाडूंचा ओढा साहजिकच एकेरीकडे अधिक आहे; याकडे ज्वालाने लक्ष वेधले. या पार्श्वभूमीवर खेळाडूंना योग्य प्रशिक्षण देण्याबरोबरच दुहेरी बॅडमिंटनबाबत लोकांमध्ये आणि प्रसारमाध्यमांमध्ये जागृती निर्माण करणे; दुहेरीबाबत रस निर्माण करणे हे आपले उद्दिष्ट असेल; असेही तिने स्पष्ट केले.

भारतीय बॅडमिंटन संघटनेचे नवे व्यवस्थापन दुहेरीबाबत सकारात्मक आहे. त्यामुळेच त्यांनी आपल्याला ही संधी प्रदान केली आहे. त्याचे आपल्याला समाधान आहे. संघटनेचे अध्यक्ष हिमांता बिस्वा सर्मा यांचा दृष्टीकोन सर्वसमावेशक आहे. त्यामुळे भारतीय बॅडमिंटनचे; विशेषत: दुहेरीचे चित्र बदललेले दिसू शकेल; असा विश्वास ज्वालाने व्यक्त केला.