ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

पहिली ते तिसरीतील मुलींशी शिक्षकाचे अश्लिल चाळे

धारूर, दि. २ (प्रतिनिधी) - अंबाजोगाई तालुक्यातील आणि धारूर ठाण्याच्या हद्दीत येणाऱ्या केंद्रेवाडी जिल्हा परिषद शाळेतील शिक्षक अनंत गायकवाड याने तिसरीतील मुलींचे लैंगिक शोषण केल्याचा प्रकार पालकांच्या जागरूकतेने गुरुवारी समोर आल्यानंतर त्याच्यावर धारूर ठाण्यात गुन्हा दाखल करण्यात आला.

गायकवाडच्या कुकर्माच्या कहाण्या समोर येत असून दीड वर्षापासून अनंत गायकवाड विद्यार्थिनींबरोबर अश्लील चाळे करत असल्याची माहिती समोर आली आहे. पहिली ते आठवीपर्यंतच्या केंद्रेवाडी जिल्हा परिषद शाळेत १५७ विद्यार्थी शिक्षण घेत असून शिक्षक या ठिकाणी कार्यरत आहेत. 

अनंत गायकवाड हा शिक्षक नऊ वर्षांपासून कार्यरत आहे. मागील दीड वर्षापासून गायकवाड हा पहिली ते तिसरीपर्यंतच्या अनेक मुलींबरोबर अश्लील चाळे करत असल्याची चर्चा शाळेत सुरू होती. या प्रकाराची माहिती मुख्याध्यापकासह शाळेतील सर्व शिक्षकांना होती. परंतु थेट गायकवाड याला समज देण्याची हिंमत तेव्हा शाळा प्रशासनाने दाखवली नाही की शाळेतील शिक्षकाकडून असा प्रकार होत असल्याचेही तेव्हा शाळा प्रशासनाने वरिष्ठांना कळवले नाही. त्यामुळे गायकवाडचे फावले आणि दिवसेंदिवस हा प्रकार वाढत गेला.

शाळेतील विद्यार्थिनींबरोबर असा प्रकार होत असल्याची माहिती एका मुलीने आपल्या आजीला दिल्यानंतर या आजीने गावातील प्रतिष्ठित नागरिक, युवक, महिला यांच्या कानावर घातला. गुरुवारी गावकऱ्यांनी शाळेत जाऊन शिक्षकाचा प्रकार समोर आणला. या वेळी मुख्याध्यापकांनी गटशिक्षणाधिकारी, गटविकास अधिकाऱ्यांना याची माहिती दिल्यानंतर अधिकारी केंद्रेवाडीमध्ये धडकले.

अखेर ३१ डिसेंबर रोजी धारूर ठाण्यात त्याच्यावर गुन्हा नोंदण्यात आला. शुक्रवारी अनंत गायकवाड याला धारूर पोलिसांनी माजलगाव न्यायालयात हजर केले असता न्या. मोराळे यांनी गायकवाडला पाच दिवसांची पोलिस कोठडी सुनावली आहे.