ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

चंद्रकांत खैरेंची मुलीच्या लग्नात कोट्यवधींची उधळपट्टी

औरंगाबाद, दि. ५ (प्रतिनिधी) - औरंगाबादमधील शिवसेनेचे खासदार चंद्रकांत खैरे यांची मुलगी प्रेरणा खैरे हिचा विवाह सोहळा पार पडला. मात्र या सोहळ्यासाठी लाखो रुपयांची उधळपट्टी करण्यात आली आहे. 

प्रेरणा खैरे यांचा विवाह कर्नाटकातील धारवाडच्या बसवराज आरळकट्टी यांच्याशी झाला आहे. बसवराज यांचं बीईपर्यंत शिक्षण झालं आहे. टीसीएस या कंपनीचे ते सहाय्यक सल्लागार आहेत. मात्र, खैरेंनी आपल्या मुलीच्या लग्नासाठी लाखो रुपयांची उधळपट्टी केली आहे.

काही वर्षांपूर्वी भास्कर जाधव यांच्या मुलाच्या लग्नात अशीच डोळे दिपवणारी उधळपट्टी झाली होती. विशेष म्हणजे जाधवांच्या लग्नात ज्या नम्रता केटरर्सनं व्यवस्था केली होती. त्यांचीच व्यवस्था खैरेंच्या मुलीच्या लग्नात होती.

काल संगीत रजनीच्या कार्यक्रमाला पंकजा मुंडे, रामदास कदम, सुभाष देसाईंनी हजेरी लावली. आजच्या विवाह सोहळ्यालाही दिग्गजांची उपस्थिती होती.

एकीकडे मराठवाड्यात जवळपास ८०० शेतकऱ्यांनी आत्महत्या केली आहे. अशावेळी लग्नासाठी ही उधळपट्टी शिवसेना नेत्यांना शोभते का, असा प्रश्न उपस्थित होत आहे. एकीकडे शिवसेना प्रमुख उद्धव ठाकरे दुष्काळग्रस्तांना मदत देण्यासाठी वणवण फिरत असताना त्यांच्याच पक्षाचे एक खासदार मुलीच्या लग्नात लाखो रुपये खर्च करत असल्याचा विरोधभास दिसत आहे.