ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

नाम फाऊंडेशनने केले २३ मुलींचे कन्यादान

बीड, दि. ८ (प्रतिनिधी) – नाम फाऊंडेशनच्या वतीने २३ जोडपी विवाहबद्ध झाली आहेत. यावेळी बीडकरांशी नाना पाटेकर यांनी संवाद साधताना बाप आणि भावाच्या भूमिकेतून आम्ही कन्यादानासाठी आलो आहोत. या विवाहापासून महाराष्ट्रातील सर्वांनी प्रेरीत व्हावे. आज खरोखर मी धन्य झालो आणि श्रीमंत झालो. कारण एकाचवेळी एवढ्या लेकी आणि एवढे जावई मिळाले, आणखी कोणती श्रीमंती पाहिजे. मकरंद भावाच्या तर मी बापाच्या भूमिकेतून येथे आलो आहे असे सांगत बीडकरांची मने जिंकली.

बीडचा भूमीपूत्र मकरंद अनासपुरे म्हणाला की, विवाहबध्द झालेल्या नवरदेवांनो, पत्नीला त्रास देऊ नका, सुखाचा संसार करा, असे सांगत मकरंदने उपस्थितात हशा पिकवला. यावेळी दोन्ही अभिनेत्यांनी नवविवाहित जोडप्यांना शुभाशिर्वाद दिले. 

हजारो वर्‍हाडी मंडळीच्या उपस्थितीने खचाखच भरलेला सभामंडप, सनई-चौघड्यांचा निनाद, कन्यादानासाठी उपस्थित असलेले प्रसिध्द सिने अभिनेते नाना पाटेकर आणि मकरंद अनासपुरे, ब्रह्मवृंदांकडून झालेला कुर्यात सदा मंगलमचा जयघोष आणि हजारो वर्‍हाडींनी दिलेले शुभाशिर्वाद अशा उत्साहपूर्ण वातावरण हा सामूदायिक विवाह सोहळा संपन्न झाला. याप्रसंगी नाम फाऊंडेशनच्या वतीने विवाहित जोडप्यांना प्रत्येकी दहा हजाराचे संसारोपयोगी साहित्य आणि १५ हजाराचा धनादेश देण्यात आला.