ब्रेकिंग न्यूज
सावंतवाडी स्थानकाजवळ दुरांतो एक्स्प्रेसचे डबे रुळावरून घसरले      इंडोनेशियात फटाक्यांच्या कारखान्याला आग, २३ ठार, ४३ जखमी      ताजमहालची सफाई करण्यापेक्षा योगींनी आपल्या पक्षातल्या लोकांची कलुषित मने स्वच्छ करावी : असदुद्दिन ओवैसी      महालक्ष्मी एक्स्प्रेस वर मध्यरात्री दरोडा, जेजुरी राजेवाडी स्टेशन येथील घटना, सिग्नल नादुरुस्त करून केली लूट      पर्यटनासाठी आलेल्या स्वित्झर्लंडच्या एका जोडप्याला उत्तर प्रदेशच्या फतेहपूर सीक्रीत एका टोळक्याने केली मारहाण      मुंबै बँकेकडून राधाकृष्ण विखे-पाटील यांना नियमबाह्य कर्ज? विखेंच्या डबघाईस आलेल्या कंपनीला 35 कोटींचं कर्ज.      मुंबई - छेडछाडीच्या भीतीने तरुणीने ट्रेनमधून उडी मारल्याचं प्रकरण, आरोपीला रेल्वे पोलिसांकडून अटक.      चंदू चव्हाण यांना तीन महिन्यांची शिक्षा, एलओसी ओलांडल्याप्रकरणी चंदू चव्हाण दोषी      अमिताभ बच्चन यांच्या अनधिकृत बांधकामास एमआरटीपीची नोटीस      गडचिरोलीतील 1036 गावांनी घेतला नक्षल गावबंदीचा ठराव
...

पाणी पुरवठ्यावर देखरेख ठेवण्याचे उपजिल्हधिकाऱ्यांना आदेश

लातूर, दि. २४ (प्रतिनीधी) - यावर्षी राज्यात तसेच जिल्ह्यात पाऊस कमी झाल्याने तीव्र पाणी टंचाई निर्माण झाली असून, दुष्काळी परिस्थिती निर्माण झाली आहे. यामुळे लातूर शहराला टँकरद्वारे पाणी पूरवठा करण्यात येत आहे. टॅंकरद्वारे पाणी पुरवठा करण्याऱ्या यंत्रणेवर देखरेख ठेवण्यासाठी व पाण्याचे योग्य वितरण करण्यासाठी जिल्हाधिकारी पांडुरंग पोले यांनी उपजिल्हाधिकारी प्रकाश खपले, कमलाकर फड आणि उपविभागीय अधिकारी डॉ. प्रताप काळे यांची नियूक्ती केली आहे.

लातूर शहराला डोंगरगाव बॅरेज, निम्न तेरणा, भंडारवाडी तलाव या पाणीसाठ्यातील पाणी टँकरद्वारे पुरवले जाते. उपजिल्हाधिकाऱ्यांनी शहराला करण्यात येणाऱ्या पाणी पुरवठ्याची पाहणी करुन नागरिकांना पाण्याचे योग्य रितीने वितरण करण्याचे नियोजन केले आहे. तसेच शहरातील पाणी पुरवठा यंत्रणेची पाहणी करुन मनपातील प्रभाग अधिकाऱ्यांची बैठक घेतली. यावेळी टँकर भरणा स्थळी प्रत्यक्ष भेट देवून पाणी पुरवठ्याच्या परिस्थितीची पाहणी केली. 

उपजिल्हा निवडणूक अधिकारी प्रकाश खपले यांनी काल निम्न तेरणा येथे प्रत्यक्ष भेट देवून पाण्याच्या उपलब्धतेची पाहणी केली. सद्यस्थितीत निम्न तेरणा मधुन निलंगा शहर, किल्लारी ३० खेडी योजना, उमरगा नगर पालिका आदींना पाणीपूरवठा करण्यात येत असल्याची माहिती दिली. तसेच निम्न तेरणामधील पाण्याच्या होणाऱ्या बाष्पीभवनाचे नियोजन केल्यास एक महिना अधिक पाणी उपलब्ध होईल अशीही माहिती खपले यांनी यावेळी दिली. 

तसेच लातूर शहरातील महात्मा गांधी चौक जलकुंभ टँकर भरणा पॉईंट, सरस्वती कॉलनी जलकुंभ टँकर भरणा पॉईंट आणि  अंबाजोगाई रोड (आर्वी) जलकुंभ टँकर भरणा पॉईंटवर देखील प्रत्यक्ष जाऊन श्री. खपले यांनी पाहणी केली. लातूर शहरास टँकरद्वारे पाणीपूरवठा करण्यासाठी मनपाने प्रभागनिहाय पाणी वाटपाचे नियोजन केले आहे. प्रभाग अधिकारी, ड्रायव्हर आदींचा तपशील टँकरवर लावण्याच्या तसेच पाणी पुरवठा कधी करण्यात येणार याच्या पूर्वसूचना नागरिकांना देण्याविषयी सूचना केल्या. यामुळे पाणी पूरवठा व्यवस्थित करणे शक्य होईल,