ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

मराठवाड्यात अवकाळी पाऊस; वीज पडून दोघांचा मृत्यू

औरंगाबाद, दि. ७ (प्रतिनिधी) - कडक उन्हाच्या काहिलीनंतर निसर्गाने पुन्हा मराठवाड्यावर अवकाळीचा मारा केला. अर्ध्या मराठवाड्यात गारांचा पाऊस पडला. उमरगा, अंबाजोगाई, पूर्णा, पालम, चाकूर व निलंगा तालुक्यांत गारा पडल्या. दरम्यान, वीज कोसळून दोघांचा मृत्यू झाला. 

राजाबाई बबन जाधव (५८, समुद्राळ, ता उगरगा) व अशोक नरहरी दौंड (५३, घाटनांदूर, ता. अंबाजोगाई) अशी मृतांची नावे आहेत.

परभणी जिल्ह्याच्या बहुतांश भागांत काल दुपारी साडेतीनच्या सुमारास वादळी वाऱ्यासह हलक्या पावसाने हजेरी लावली. पूर्णा व पालम तालुक्यात मात्र वादळी वाऱ्यासह गारपीट झाली. गुरुवारपासून (दि.पाच) जिल्ह्यातील वातावरणात अचानक बदल झाला आहे. दोन दिवसांत ढगाळ वातावरण राहू लागले आहे. शुक्रवारी उन्हाची तीव्रता असताना दुपारी अचानक ढगाळ वातावरण येऊन पावसाने दहा मिनिटे हलक्या स्वरुपात हजेरी लावली. मात्र, या दरम्यान प्रचंड वारे वावधान सुटले. परभणी शहरात हलक्या स्वरुपाचा पाऊस झाला. या वेळी खंडित झालेला वीजपुरवठा दोन तास सुरळीत होऊ शकला नाही. पूर्णा व पालम तालुक्यात मात्र जोरदार पावसाने हजेरी लावली. या दोन्ही तालुक्यांत काही गावांत गारांचा खच पडला. त्यानंतर सायंकाळपर्यंत ढगाळ वातावरण होते. वारे वावधानाने काही ठिकाणी झाडे उन्मळून पडली.

कन्नड तालुक्यात गारा तर वैजापूर तालुक्यात पाऊस : कन्नड तालुक्यातील नागापूर परिसरात शुक्रवारी गारांसह सुमारे अर्धा तास पाऊस झाला. यामुळे शेतकऱ्यांची तारांबळ उडाली. वैजापूर तालुक्यातील लोणी खुर्द परिसरात सायंकाळी १ तास हलक्या ते मध्यम स्वरूपाचा पाऊस पडला. दरम्यान, अचानक आलेल्या या पावसामुळे उन्हाळी कामांत गुंतलेल्या शेतकऱ्यांची तारांबळ उडाली.

चाकूरला येथे तासभर वादळी पाऊस झाला. पंधरा मिनिटे पडलेल्या गारांमुळे परिसरातील आब्याचे मोठ्याप्रमाणात नुकसान झाले आहे. जोरदार वादळी वाऱ्यामुळे विद्युत खांबही कोसळले. यामुळे तालुक्यातील अनेक गावचा वीजपुरवठा खंडित झाला होता. असाच पाऊस झरी, बोथी, चापोली, जानवळ येथे झाला. निलंगा तालुक्यातील औराद शहाजानी येथे दुपारी अडीचच्या सुमारास अर्धा तास वादळी पावसाने थैमान घातले. गारपीटही झाली. झाडे उन्मळून पडली. किनगावलाही पावसाने अर्धा तास झोडपले.

उमरगा, लोहारा तालुक्यात काल दुपारी वादळी वाऱ्यासह झालेल्या अवकाळी पावसाने मोठ्या प्रमाणावर नुकसान झाले. उमरग्या गारांचा पाऊस झाला. वीज पडून महिला, दोन बैल, दोन वगारींचा मृत्यू झाला, तर एक जण गंभीररीत्या जखमी झाला आहे.