ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

जलसंधारणाच्या कामाबाबत समाधानी मात्र फलनिष्पत्तीवर लक्ष द्या - शिवतारे

उस्मानाबाद, दि. 28 (प्रतिनिधी)- जिल्ह्यात झालेल्या जलसंधारणाच्या, जलयुक्त शिवाराच्या कामांबाबत मी अत्यंत समाधानी आहे. मात्र या कामांमुळे तसेच पावसाची कृपा चांगली झाल्यास जनतेला नेमका कसा व किती लाभ होईल याची वस्तुनिष्ठ माहिती तयार करण्यावर प्राधान्याने लक्ष द्यावे, अशी सूचना जलसंपदा व जलसंधारण राज्यमंत्री विजय शिवतारे यांनी गुरुवारी जिल्हाधिकारी कार्यालयात झालेल्या बैठकीत उपस्थित अधिकार्‍यांना दिली. जलयुक्त शिवार अभियानाच्या आढावा बैठकीत ते बोलत होते. 
यावेळी जिल्हाधिकारी डॉ.प्रशांत नारनवरे, जि.प.चे मुख्य कार्यकारी अधिकारी आनंद रायते, अतिरिक्त जिल्हाधिकारी अविनाश पाठक, जिल्हा कृषी अधीक्षक जमदाडे, कार्यकारी अभियंता देवकर आदि अधिकारी उपस्थित होते. शिवतारे यांनी जलयुक्त शिवार अभियानाशी संबंधित सर्व विभागांनी केलेल्या कामाचा सविस्तर आढावा घेतला. यामध्ये प्रामुख्याने कृषी विभाग, भूजल सर्वेक्षण विभाग, वनविभाग, लघुसिंचन (जलसंधारण), लघुपाटबंधारे(जि.प.), सामाजिक वनीकरण आणि जलसंपदा विभागाचा समावेश होता. यावेळी प्रत्येक विभागाने जिल्ह्यात झालेली कामे, प्रलंबित कामे, झालेल्या कामांवर आतापर्यंत झालेला खर्च इत्यादिबाबतची सविस्तर माहिती राज्यमंत्री शिवतारे यांनी सादर केली.
शिवतारे म्हणाले, कोल्हापूर बंधारे हा एक उत्तम पर्याय आहे. जिल्ह्यातील सर्व कोल्हापूर बंधार्‍यांची तांत्रिक पाहणी करुन, किती बंधारे दुरुस्ती योग्य आहेत, किती बंधारे नष्ट करण्यायोग्य आहेत याचा वस्तुनिष्ठ अहवाल सादर करावा. यात कृषी विभागाने या अभियानांतर्गत आत्तापर्यंत एकूण 15841 कामे पूर्ण केली असून एकूण 135484.96 हेक्टर क्षेत्रापैकी 74179 हेक्टर क्षेत्रास याचा लाभ होईल, असे सांगितले. या झालेल्या कामांसाठी आतापर्यंत रु. 9758.80 लक्ष इतका खर्च झाल्याची माहिती कृषी विभागाने दिली. वनविभागाने एकूण 185 पैकी 175 कामे पूर्ण केली असून 571 हेक्टर क्षेत्रास त्यामुळे लाभ होईल असे सांगितले. या कामांसाठी रु.166.47 लाख इतका निधी खर्च करण्यात आल्याचेही त्यांनी सांगितले. लघुसिंचन (जलसंधारण) विभागाने 194 कामांपैकी 167 कामे पूर्ण झाली आहेत व त्यासाठी रु.1382.11 लक्ष इतका निधी खर्च करण्यात आला आहे असे सांगितले. लघुपाटबंधारे विभागाने एकूण 259 कामांपैकी 69 कामे पूर्ण झाली असून त्याकरिता रु. 529.24 लक्ष निधी खर्च झाल्याची माहिती मंत्रीमहोदयांना दिली. जलसंपदा विभागाने 91 कामे पूर्ण केली असून रु.300.02 लक्ष खर्च झाल्याचे सांगितले. अशा प्रकारे इतर शासकीय यंत्रणांची एकूण 5184 कामे असून त्यामुळे 2668.11 हेक्टर क्षेत्रास लाभ होणार आहे. आतापर्यंत यापैकी 2463 कामे पूर्ण झाली असून त्याकरिता रु.2736.11 लक्ष इतका निधी खर्च झाला आहे. 
राज्यमंत्री शिवतारे यांनी बैठकीच्या शेवटी वृक्षलागवड मोहीम जिल्ह्यात मोठ्या प्रमाणात यशस्वी करण्याबाबत तसेच जलसंधारणाच्या कामात लोकसहभाग वाढविण्यासाठी सर्व शासकीय यंत्रणांना आणि जनतेलाही आवाहन केले. या बैठकीत जिल्हा परिषद अध्यक्ष धीरज पाटील, आमदार राणाजगजितसिंह पाटील, माजी आमदार ओमराजे निंबाळकर, जि.प. सदस्य धनंजय सावंत, जलयुक्त शिवाराच्या कामासंबंधित विविध विभागांचेअधिकारी उपस्थित होते.