ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

मांजरा, निम्न तेरणा प्रकल्पाच्या भूसंपादनाचे पैसे दोन महिन्यात देणार - महाजन

लातूर, दि. 3 (प्रतिनिधी)- मांजरा आणि निम्न तेरणा या दोन नद्यांवरील प्रकल्पाची कामे पूर्ण होत आली आहेत. परंतू भूसंपादनाचे 160 कोटी रुपये शेतकर्‍यांना देणे असल्याने काही बंधार्‍यात पूर्ण क्षमतेने पाणी साठवता येत नाही. या प्रकल्पात पूर्ण क्षमतेने पाणी साठविण्यासाठी येत्या दोन माहिन्यात शेतकर्‍यांना मावेजाचे 160 कोटी रुपये देणार असल्याचे जलसंपदा मंत्री गिरीष महाजन यांनी सांगितले.
जिल्हाधिकारी कार्यालयातील सभागृहात आयोजित जलसंपदा विभागाच्या आढावा बैठकीत ते बोलत होते. यावेळी खासदार डॉ.सुनिल गायकवाड, आमदार अमित देशमुख, डॉ.सुधाकर भालेराव, त्र्यंबक भिसे, महापौर दिपक सुळ, जलसंपदा विभागाचे प्रधान सचिव आय. एस. चहल, जिल्हाधिकारी पांडुरंग पोले, जिल्हा परिषदेचे मुख्य कार्यकारी अधिकारी दिनकर जगदाळे, मनपा आयुक्त सुधाकर तेलंग, औरंगाबाद येथील जलसंपदा विभागाचे मुख्य अभियंता बी.डी.तोंडे यांची प्रमुख उपस्थिती होती.
यावेळी महाजन म्हणाले, लातूरला पाणी पुरवठा करण्यासाठी आणि सिंचनासाठी मांजर व निम्न तेरणा हे दोन मुख्य स्त्रोत आहेत. मांजरा व निम्न तेरणा या दोन नद्यावरील प्रकल्पात पूर्ण क्षमतेने पाणी साठविल्यास लातूर जिल्ह्याला दुष्काळाच्या छायेतून बाहेर पडण्यास मदत होणार आहे. याकरीता आवश्यक ती कार्यवाही येणार्‍या दोन महिन्यात करण्यात येणार आहे. तसेच पिण्याच्या पाण्यास प्राधान्य देवून लातूर शहरास शाश्वत पाणी पुरवठा करण्यासाठी उजनीहून धनेगाव प्रकल्पात बंद नळाद्वारे पाणी आणण्यासाठीची व्यवहार्यता तपासून तात्काळ प्रस्ताव सादर करण्याच्या सूचना जलसंपदा विभागास दिल्या आहेत. तावरजा प्रकल्पावर गेट बसविण्यासाठीही तात्काळ प्रस्ताव सादर करण्याच्या सूचना त्यांनी संबंधीतांना यावेळी दिल्या.
यावेळी बैठकीस परळी येथील बीड पाटबंधारे प्रकल्प मंडळाचे अधिक्षक अभियंता एस. आर. तिरमनवार, बीड येथील लाभक्षेत्र विकास प्राधिकरणच्या अधिक्षक अभियंता सुनंदा जगताप, बीड येथील यांत्रिक मंडळाचे बोडके, निवासी उपजिल्हाधिकारी नारायण उबाळे, उपजिल्हाधिकारी डॉ. अनंत गव्हाणे, महावितरणचे अधिक्षक अभियंता वासने, महाराष्ट्र जीवन प्राधिकरणचे अधिक्षक अभियंता सतिष सुशिर, कार्यकारी अभियंता प्रविण पाटील, वरिष्ठ भूवैज्ञानिक शेख यांच्यासह अधिकारी-कर्मचारी यांची उपस्थिती होती.