ब्रेकिंग न्यूज
सावंतवाडी स्थानकाजवळ दुरांतो एक्स्प्रेसचे डबे रुळावरून घसरले      इंडोनेशियात फटाक्यांच्या कारखान्याला आग, २३ ठार, ४३ जखमी      ताजमहालची सफाई करण्यापेक्षा योगींनी आपल्या पक्षातल्या लोकांची कलुषित मने स्वच्छ करावी : असदुद्दिन ओवैसी      महालक्ष्मी एक्स्प्रेस वर मध्यरात्री दरोडा, जेजुरी राजेवाडी स्टेशन येथील घटना, सिग्नल नादुरुस्त करून केली लूट      पर्यटनासाठी आलेल्या स्वित्झर्लंडच्या एका जोडप्याला उत्तर प्रदेशच्या फतेहपूर सीक्रीत एका टोळक्याने केली मारहाण      मुंबै बँकेकडून राधाकृष्ण विखे-पाटील यांना नियमबाह्य कर्ज? विखेंच्या डबघाईस आलेल्या कंपनीला 35 कोटींचं कर्ज.      मुंबई - छेडछाडीच्या भीतीने तरुणीने ट्रेनमधून उडी मारल्याचं प्रकरण, आरोपीला रेल्वे पोलिसांकडून अटक.      चंदू चव्हाण यांना तीन महिन्यांची शिक्षा, एलओसी ओलांडल्याप्रकरणी चंदू चव्हाण दोषी      अमिताभ बच्चन यांच्या अनधिकृत बांधकामास एमआरटीपीची नोटीस      गडचिरोलीतील 1036 गावांनी घेतला नक्षल गावबंदीचा ठराव
...

दमदार ‘बादशाहो’

मुंबई, दि. २ - कच्चे धागे’, ‘चोरी-चोरीआणिवन्स अपॉन टाइम इन मुंबईया चित्रपटात अजय देवगन सोबत काम करणारे दिग्दर्शक मिलन लुथरियाचा बादशाहो हा चित्रपट आज बॉक्स ऑफिसवर रिलीज झाला आहे. मिलन लुथरियाचा अजय देवगणबरोबरचा हा चौथा चित्रपट असून या चित्रपटात अजय देवगन सोबतच सिरीयल किसर इमरान हाश्मी देखील मुख्य भूमिकेत आहे.

आणीबाणीच्या काळातील (१९७५) घटनांवर आधारित चित्रपटाची कथा असून देशातील आणीबाणीच्या काळात राजस्थानमधील राजांचे खजाने जप्त केले जात होते. जयपूरची महाराणी गीतांजली देवी म्हणजे इलियाना डिकुजच्या महालावर त्याचदरम्यान छापा पडतो आणि सरकार तिचा खजाना जप्त करते. कारण सरकारला या खजान्याची माहिती दिलेली नसते. खजाना ट्रकमध्ये भरून दिल्लीला पाठवण्याचे काम पोलिस अधिकारी सहर उर्फ विद्युत जामवालला सोपवले जाते. तर महाराणी गीतांजली भवानी सिंह(अजय देवगण)ला भेटून याबाबत सांगते. भवानी महाराणीची नीकटवर्तीय संजना (ईशा गुप्ता), दलिया (इमरान हाश्मी), तिकला (संजय मिश्रा) बरोबर खजाना दिल्लीला पोहोचण्यापूर्वीच लुटण्याचा प्रयत्न करतात. त्याचदरम्यान अनेक गुपिते समोर येतात. पात्रांचे एकमेकांवर प्रेम, धोका, राग आणि असे अनेक ट्विस्ट्स पाहायला मिळतात. पण अखेर ट्रक दिल्लीला पोहोचू शकला की, रस्त्यातच लुटला गेला, हे जाणून घ्यायचे असेल तर तुम्हाला थिएटरच गाठावे लागेल.

चित्रपटाचे दिग्दर्शन मिलन लुथरिया यांनी उत्तम केले आहे. चित्रपटाचे पूर्ण चित्रीकरण राजस्थानमध्ये झाले आहे. येथील राजवाड्यांच्या लोकेशनसाठी चांगला वापर करण्यात आला आहे. चित्रपटाची कथा दुबळी वाटते. तिच्यावर आणखी काम करता आले असते. कथा फार हळू-हळू पुढे सरकते. त्यामुळे कंटाळा येण्याची शक्यता आहे. आजच्या तरुण वर्गाचा विचार करता चित्रपट मन लावून पाहिला जाण्याची शक्यता कमी आहे. अनेक पात्र असेही आहेत, ज्यांच्यावर अजून काम करता आले असते.

अजय देवगण आणि इलियानाने दमदार अभिनय केला आहे. त्याचबरोबर इमरान हाश्मीची वेगळी स्टाइल चित्रपटात पाहायला मिळाली आहे. सनी लिओनच्याट्रिपी-ट्रिपीआयटम साँगमध्ये त्याची एंट्री चांगली झालेली आहे Posted On: 02 September 2017