ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

कमरेखालचा विनोद सिद्धूंना भोवला

मुंबई, दि. १० - सुनील ग्रोव्हरसोबतचा वाद, घसरलेला टीआरपी, चॅनेलने दिलेले अल्टिमेटम यामुळे कॉमेडी किंग कपिल शर्माच्या कपिल शर्मा शोच्या मागे लागलेले शुक्लकाष्ठ अद्याप कायम आहे. त्यात आता शोमधील महत्त्वाचा चेहरा असलेले नवज्योतसिंह सिद्धू वादात सापडले आहेत.

द्विअर्थी विनोद पंजाबचे कॅबनेट मंत्री असलेल्या नवज्योतसिंह सिद्धू यांनी केल्याचा आरोप आहे. सिद्धूंनी अश्लिल आणि द्विअर्थी विनोद केल्याने, वरिष्ठ वकील एचसी अरोडा यांनी पंजाबच्या मुख्य सचिवांकडे तक्रार केली आहे. कपिलचा शो पत्नी आणि मुलीसोबत पाहात होतो. त्यावेळी सिद्धूंच्या आक्षेपार्ह विनोदामुळे भावना दुखावल्या, असे अरोडा यांनी म्हटले आहे. अरोडा यांच्या तक्रार अर्जात शोमधील काही विनोदांचा उल्लेख केला आहे. हे विनोद अभद्र आणि द्विअर्थी असल्याचा त्यांचा दावा आहे.

त्याचबरोबर अरोडा यांनी पंजाब सरकारला मंत्रिपद आणि आचारसंहितेची आठवण करुन दिली. तसेच हे प्रकरण पंजाबचे मुख्यमंत्री कॅप्टन अमरिंदर सिंह यांच्यापर्यंत पोहोचवण्याचीही मागणी केली आहे. सिद्धूने माहिती आणि प्रसारण कायद्याचे उल्लंघन केल्याचा दावा अरोडा यांनी केला आहे. तसेच याप्रकरणी उच्च न्यायालयातही जाण्याचा इशारा त्यांनी दिला आहे.

दरम्यान, अरोरा यांचे आरोप सिद्धूंनी फेटाळले आहेत. जर या शोमध्ये अश्लिलता असती, तर हा शो लोकप्रियतेमध्ये अव्वल नसता, असे सिद्धूंनी म्हटले आहे. त्याचबरोबर लोक फळ लागलेल्या झाडाला दगड मारतातच, असाही टोला त्यांनी लगावला.

दरम्यान, एच सी अरोरा यांनी मंत्री असलेल्या सिद्धू यांच्या शोमधील सहभागावरच आक्षेप घेतला आहे. त्याबाबत त्यांनी उच्च न्यायालयात याचिका दाखल केली आहे. याप्रकरणी गेल्या आठवड्यात सुनावणी झाली, त्यावेळी हे मंत्र्यांच्या नैतिकतेचे उल्लंघन नाही का? असा सवाल उच्च न्यायालयाने विचारला होता. तसेच पंजाब सरकारला नोटीसही पाठवली होती. याप्रकरणी पुढील सुनावणी ११ मे रोजी होणार आहे.