ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

सोनीचा कपिल शर्माला बाबाजी का टूल्लू

मुंबई, दि. ८ - गेले काही दिवस लोकप्रियतेच्या उच्च शिखरावर असलेल्या कपिल शर्मा शोला उतरती कळा लागली असून सुनील ग्रोव्हर आणि टीमसोबत झालेल्या भांडणानंतर त्यांनी शोपासून फारकत घेतली. त्यानंतर हा शो लोकांना हसविण्यात अयशस्वी ठरला आहे.

कपिल शर्मा शो हास्य अभिनेता सुनील ग्रोव्हरने सोडल्यानंतर कपिलच्या घराचे वासे फिरले आहेत. कपिलच्या घरात घडणाऱ्या कोणत्याच गोष्टीने प्रेक्षकांना हसू येत नाही. त्यामुळे शो बंद होण्याच्या मार्गावर असून कपिल चांगलाच चिंतेत आहे. त्यात महत्त्वाचे म्हणजे कपिलला सोनी एंटरटेन्मेंट चॅनलने एका महिन्याचा अल्टिमेटम दिला होता. सुनील ग्रोव्हरने कपिलबरोबर झालेल्या वादानंतर या शोला सोडचिठ्ठी दिली. त्यानंतर चंदन प्रभाकर, अली असगर आणि सुगंधा मिश्रा यांनीही हा शो सोडल्याने कपिलच्या शोचा टीआरपी घसरला आहे.

राजू श्रीवास्तव सारख्या तगड्या विनोदी अभिनेत्यालाही कपिलने शोमध्ये घेऊन पाहिले. पण बराच प्रयत्न करूनही एकाही विनोदावर प्रेक्षक हसले नाहीत. त्यामुळे कपिलला अवघ्या पंधरा मिनिटात चित्रीकरण गुंडाळावे लागले होते. कपिल शर्मा शोचा टिआरपी गेल्या काही महिन्यांपर्यंत खूपच चांगला होता. त्यामुळे कोणताही कलाकार त्याच्या चित्रपटाच्या प्रमोशनसाठी पहिली पसंती कपिल शर्मा शोला देत असे. पण आता तशी परिस्थिती राहिलेली नाही. सलमानच्या ट्युबलाईट या चित्रपटाची गेल्या कित्येक दिवसांपासून चर्चा आहे. या चित्रपटाचे सलमान जोरदार प्रमोशन करत आहे.

सलमानने या चित्रपटाच्या प्रमोशनसाठी कपिल शर्मा शोला यावेळी पसंती दिली नाही. तो सोनी या वाहिनीवर चित्रपटाच्या प्रमोशनसाठी सुपर नाइट या कार्यक्रमात झळकणार आहे आणि या कार्यक्रमात त्याच्यासोबत अली असगर, सुगंधा मिश्रा आणि संकेत भोसले असणार आहेत. त्यामुळे कपिल शर्मा शो ला हा चांगलाच फटका बसला असल्याचे दिसत आहे.