ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

तेलुगूत रिलीज होणार सिध्दार्थ जाधवचा मराठी चित्रपट

मुंबई, दि. १६ - भारताला १९४७ साली स्वातंत्र्य मिळाले तेव्हा आपल्या गणतंत्रात विलीन होण्यास हैदराबाद राज्याने साफ नकार दिला. कारण होते तेथील रझाकार जमात; त्यावेळी जिचे बोधवाक्य होते हैदराबाद हिंदुस्तानात विलीन नाही होणार. हिंदुस्थान हैदराबादमध्ये सामायिक होणार. ही रझाकार जमात क्रूरतेने अत्याचार करून स्थानिकांना दहशतीमध्ये ठेवण्यात यशस्वी झालेली होती. त्यांच्याविरुद्ध आवाज उठवणारे कोणी नव्हते. लेखक-दिग्दर्शक राज दुर्गे यांनी दोनेक वर्षांपूर्वी याच इतिहासावररझाकारचित्रपट बनवला.

सिध्दार्थ जाधवने या चित्रपटात रझाकारच्या विरोधात ठामपणे उभा राहणाऱ्या व्यक्तीची भूमिका साकारली होती. हैदराबादच्या इतिहासाची पार्श्वभूमी या चित्रपटाला असल्याकारणाने निर्माते हा चित्रपट तेलुगू भाषेत डब करून आंध्र प्रदेशात प्रदर्शित करणार आहेत जेणेकरून तेथील नव्या पिढीला त्यांच्या राज्याच्या इतिहासाची ओळख होईल.

रेणू देसाई यांनी तेलुगू भाषेत अभिनेत्री म्हणून अनेक चित्रपट केले आहेत. आदिनाथ कोठारे-सुलग्न पाणीग्रही जोडीचाइष्कवाला लव्हया मराठी चित्रपटाची निर्मिती दिग्दर्शन रेणू देसाई यांनी केले होते. त्यांचा स्वतःचा फॅन-बेस तेलुगू फिल्म्स बघणारा असल्याकारणाने त्यांनी हाच चित्रपट तेलुगूत डब करून प्रदर्शित केला होता. तसेच नुकताच सचिन तेंडुलकरच्या जीवनावरीलसचिन बिलियन ड्रीम्सहा देखील हिंदी-इंग्लिश-मराठी बरोबर तामिळ आणि तेलुगू भाषेत डब करून प्रदर्शित केला होता प्रतिसादही चांगला मिळाला. खरंतर यामुळे मराठी चित्रपट निर्मात्यांच्या आशा पल्लवित झाल्या असणार, कारण आपले मराठी चित्रपट दाक्षिणात्य वा इतर भाषेत डब करून प्रदर्शित करता आले तर मराठी चित्रपटांना एक नवीन मार्केट उपलब्ध होईल.