ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

समीर भुजबळ ३१ मार्चपर्यंत न्यायालयीन कोठडीत

>> सुनावणीसाठी जेलबाहेर आल्यावर मारला वडा-पाववर ताव

मुंबई, दि. २१ (प्रतिनिधी) - विशेष ईडी न्यायालयाने आर्थिक गैर व्यवहारप्रकरणी माजी खासदार समीर भुजबळ यांना ३१ मार्चपर्यंत न्यायालयीन कोठडी सुनावण्यात आली आहे. तपास आता महत्वाच्या टप्प्यावर असल्याने ईडीने समीर भुजबळांच्या न्यायालयीन कोठडीत वाढ करावी अशी मागणी करण्यात आली होती. त्यानुसार मुंबई विशेष ईडी न्यायालयाने आज (सोमवार) समीर भुजबळ यांची रवानगी ३१ मार्चपर्यंत न्यायालयीन कोठडीत केली. दरम्यान, समीर भुजबळ यांनी सुनावणीसाठी जेलबाहेर आल्यानंतर न्यायालयाच्या  आवारात वडापाव आणि चटणी सँडवीचवर ताव मारला.

१४ दिवसांच्या न्यायालयीन कोठडीनंतर माजी खासदार समीर भुजबळ यांना अंमलबजावणी संचालनालयाने पुन्हा विशेष ईडी कोर्टात हजर केले होते.‎ ईडीने आज न्यायालयात सादर केलेल्या रिमांड पत्रानुसार समीर भुजबळ संचालक असलेल्या कंपन्यांमार्फत या कंपनीत जवळपास ३० कोटी रुपयांचे नवीन व्यवहार आढळले आहेत. जे रोख आणि चेक मार्फत हे पैसे दोन कंपन्यांना वळते करण्यात आले आहेत. त्याआधारे आणखी तपास करावयाचा असल्याने ईडीने समीर भुजबळांच्या न्यायालयीन कोठडीची मागणी केली होती.

गेल्या सुनावणीच्या वेळेस ईडीने न्यायालयात सादर केलेल्या रिमांड पत्रानुसार समीर भुजबळ संचालक असलेल्या कंपन्यांतून जवळपास ८७० कोटी रुपयांची अफरातफर केल्याचा माहिती ईडीने कोर्टाला दिली होती. त्यापैकी १७० कोटी रुपयांचे कागदोपत्री पुरावे सापडले असून, समीर भुजबळ यांच्या कंपन्यांचे शेअर्स ठेकेदारांनी चढत्या भावाने विकत घेवून, समीर भुजबळ यांच्या कंपन्यांमध्ये गुंतवणूक केली. त्या बदल्यात गुंतवणूकदारांना सार्वजनिक बांधकाम विभागातर्फे विविध कामे देण्यात आली.

शिवाय १२५ कोटी रुपये समीर भुजबळ संचालक असलेल्या कंपन्यांनी विविध ठिकाणी गुंतवणूक केली. त्याबाबत समीर भुजबळ योग्य ते पुरावे देऊ शकले नाहीत. या सर्व कोट्यावधी रुपयांच्या अफरातफरीची चौकशी करण्यासाठी ईडीला वेळ हवा असल्याने ईडीने समीर भुजबळ यांच्या न्यायालयीन कोठडीची मागणी केली होती.