ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

आठवडा होणार पाच दिवसांचा..?

मुंबई, दि. २७ (प्रतिनीधी) - मंत्रालयासह राज्यातील सर्व शासकीय कार्यालयांसाठी पाच दिवसांचा आठवडा करण्याबाबत शासन स्तरावर पुन्हा वेगाने हालचाली सुरू झाल्या आहेत. मुख्यमंत्री देवेंद्र फडणवीस यांनीही त्याला अनुकूलता दर्शविली असल्याचेही सूत्रांनी सांगीतले आहे. तसेच, याबाबतची घोषणाही लवकरच होणार असल्याची चर्चा कर्मचारी वर्गात सुरू आहे. 

सरकारी कार्यालयांसाठी पाच दिवसांचा आठवडा करण्यात यावा व निवृत्तीचे वय ५८ वरून ६० करण्यात यावे, अशी राज्य शासकीय अधिकारी व कर्मचारी संघटनांची गेल्या अनेक वर्षांची मागणी आहे. पाच दिवसांचा आठवडा केल्याने दोन दिवस कार्यालये बंद राहतील. त्यामुळे वीज-पाणी व इंधन तसेच अतिरिक्त काम यावरील खर्चात मोठय़ा प्रमाणात बचत होऊ शकते, असे कर्मचारी संघटनांचे मत आहे. तसेच निवृत्तीचे वयही ६० केल्यामुळे खर्चात बचत होऊ शकते, असाही या संघटनांचा दावा आहे. मात्र निवृत्तीचे वय वाढविण्याबाबत सचिव पातळीवरील अधिकाऱ्यांची अनुकूलता नाही. परंतु, पाच दिवसांचा आठवडा करण्याची त्यांची तयारी झाल्याचे समजते. 

पाच दिवसांचा आठवडा केल्यास दररोज ४५ मिनिटे जास्तीचे काम करण्याची तयारी सरकारी कर्मचारी संघटनांनी दर्शविली आहे. तसेच पाच दिवसांचा आठवडा केल्याने कर्मचाऱ्यांना दोन दिवस विश्रांती मिळून ते ताज्या दमाने कामावर हजर राहतील, असेही संघटनांचे म्हणणे आहे.