ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

रेल्वेमध्ये अर्ध्या तिकिटावर प्रवास करणाऱ्यांना सीट मिळणार नाही

मुंबई, दि. ३० (प्रतिनीधी) - रेल्वेचा प्रवास म्हणजे सुखकर प्रवास म्हणाऱ्यांना आता हाच प्रवास त्रासदायक ठरणार आहे. कारण रेल्वेत हाफ म्हणजेच अर्ध्या तिकिटावर प्रवास करणाऱ्या मुलांना रेल्वे प्रवासात आता बर्थ अथवा सीट मिळणार नाही. रेल्वे प्रशासनाने तसा निर्णय घेतला आहे. या नियमाची अंमलबजावणी येत्या २२ एप्रिलपासून होणार आहे.

सीट हवी असल्यास पूर्ण तिकीट काढावे लागणार आहे. २२ एप्रिलपासून या नियमाची अंमलबजावणी होणार आहे. यामुळे वर्षभरात दोन कोटी व्यक्तींना आरक्षित तिकीट मिळण्यास मदत होणार आहे. रेल्वेला सुमारे ५२५ कोटी रुपयांचा फायदा होणार आहे.

ज्या मुलांचे वय ते १२ वर्षे दरम्यान आहे अशा मुलांसाठी रेल्वेत हाफ तिकीट काढता येते. पूर्वी हाफ तिकीटधारकांना पूर्ण सीट मिळत होते. आता प्रवाशांना आपल्या मुलांना एकाच बर्थवर घेऊन झोपावे लागणार आहे. त्यांच्यासाठी रेल्वे प्रवास त्रासदायक ठरण्याची शक्यता आहे.

तिकीटदरात वाढ करता उत्पन्न वाढवण्यासाठी रेल्वे प्रशासन विविध पर्याय शोधत आहे. हाफ तिकीटातून रक्कम वसूल होईल आणि संबंधित सीट दुसऱ्या प्रवाशाला देऊन रक्कमही घेईल. शिवाय हाफ तिकीटधारकांना सीट हवी असेल तर त्यासाठी पूर्ण तिकिटाचे पैसे देणे अनिवार्य असणार आहे. यातून रेल्वेच्या उत्पन्नात भर पडणार आहे. नियमाची अंमलबजावणी २२ एप्रिलपासून होणार आहे. ज्यांना सीट हवी आहे ते पूर्ण तिकीट काढून सीट मिळवू शकतील असे मुंबई मध्य रेल्वेचे उपमुख्य वाणिज्य व्यवस्थापक के. जयशंकर यांनी सांगीतले.