ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

नवी मुंबई विमानतळ परिसरातील नागरिकांचे सिडकोने पुनर्वसन करावे - मुख्यमंत्री

मुंबई, दि. 26 (प्रतिनिधी)- नवी मुंबई विमानतळ परिसरातील नागरिकांचे सिडकोने पुनर्वसन करावे, असे निर्देश मुख्यमंत्री देवेंद्र फडणवीस यांनी आज संबंधित अधिकार्‍यांना दिले.
विमानतळासाठी जागा देणार्‍या नागरिकांच्या पुनर्वसनाबाबत मंत्रालयात आयोजित बैठकीत फडणवीस बोलत होते. यावेळी आमदार प्रशांत ठाकूर, आमदार मनोहर भोईर उपस्थित होते.
फडणवीस म्हणाले, लोक राहत असलेल्या परिसरातील जागांचे योग्य मोजमाप करुन मोबदला द्यावा. येत्या दीड वर्षात पाणी, वीज, रस्ते, शाळा, आदी सुविधा मिळतील याकडे सिडकोने लक्ष द्यावे. सिडकोने चांगले पॅकेज दिले आहे. नागरिकांची कामे अडवू नयेत. आंदोलन करु नये, सर्वांनी कायद्याचे पालन करावे. अधिकारी आणि लोकप्रतिनिधींनी जनतेच्या मनातील शंका दूर कराव्यात. नवी मुंबई विमानतळ झाल्यावर या भागाचा मोठा विकास होणार असून सर्वांनी शासन आणि सिडकोला सहकार्य करावे.
प्रारंभी सिडकोचे व्यवस्थापकीय संचालक भूषण गगराणी यांनी सांगितले, जवळपास साडेतीन हजार नागरिकांचे स्थलांतर करायचे असून त्यांना तीन वेगवेगळे पॅकेज पर्याय दिले आहेत. दीड वर्षात त्यांना घरे मिळतील. सर्व प्रकारच्या नागरी सुविधा देण्यास सिडको कटिबद्ध आहे. या बैठकीत उपस्थित आमदार व परिसरातील ज्येष्ठ नागरिकांनी उपस्थित केलेल्या प्रश्नांच्या सोडवणुकीबाबत मुख्यमंत्री फडणवीस यांनी सकारात्मक प्रतिसाद दिला. या बैठकीला मुख्यमंत्र्यांचे प्रधान सचिव प्रवीण परदेशी, नगरविकास विभागाचे प्रधान सचिव डॉ.नितीन करीर, व्यवस्थापकीय संचालक व्ही. राधा, कोकण विभागीय आयुक्त तानाजी सत्रे उपस्थित होते.