ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

कोपर्डी अत्याचारप्रकरणी जनक्षोभानंतर तिघे अटकेत; फास्ट ट्रॅक सुनावणी

मुंबई, दि. 18 (प्रतिनिधी) - कर्जत तालुक्यातील कोपर्डी येथील अल्पवयीन मुलीवरील अत्याचार व खून प्रकरणात जनक्षोभ उसळल्यानंतर पोलिसांनी आतापर्यंत तीन आरोपींना अटक केली आहे. आरोपींपैकी दोघांना न्यायालयाने 24 जुलैपर्यंत पोलिस कोठडी सुनावली. 
दरम्यान, रविवारी आरोपींना नगर जिल्हा न्यायालयात नेले जात असताना शिवप्रहार संघटनेच्या कार्यकर्त्यांनी त्यांच्यावर अंडी फेकली. जितेंद्र बाबालाल शिंदे, संतोष गोरख भवाळ या दोघांना गुरुवारी अटक करण्यात आली होती. तिसरा आरोपी नितीन भैलुमे याला रविवारी सकाळी पुण्यातून अटक करण्यात आली. दरम्यान, हे प्रकरण फास्ट ट्रॅक कोर्टात चालवून पीडित कुटुंबाला न्याय दिला जाईल, असे आश्वासन मुख्यमंत्री देवेंद्र फडणवीस यांनी रविवारी दिले. गेल्या बुधवारी अत्याचाराची व खुनाची ही घटना घडल्यानंतर गुरुवारपासून नगर जिल्ह्यात प्रचंड जनक्षोभ उसळला होता. स्थानिक नागरिक व विविध राजकीय, सामाजिक संघटनांनी बंद, रास्ता रोको आंदोलने करून सरकारला अत्याचाराची गंभीर दखल घेण्यास भाग पाडले. शनिवारी या घटनेच्या निषेधार्थ संतप्त नागरिक रस्त्यावर उतरल्याने तणाव वाढत चालला होता. दरम्यान, गृह राज्यमंत्री दीपक केसरकर यांनी रविवारी दुपारी कोपर्डीला भेट दिली. तथापि संतप्त ग्रामस्थांनी निषेधाच्या घोषणा देत त्यांना रोखले. घटना घडल्यानंतर इतक्या उशिरा भेट देण्यासाठी आल्याबद्दल ग्रामस्थांनी तीव्र संताप व्यक्त केला. अखेर केसरकर यांनी आरोपींना कडक शासन करण्याबाबत पीडित कुटुंबीयांना आश्वासन दिले.