ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

लोकशाहीर विठ्ठल उमप यांनी लोकांच्या जीवनात चैतन्य फुलविले- फडणवीस

मुंबई, दि. 18 (प्रतिनिधी)- लोकशाहीर विठ्ठल उमप यांनी जीवनभर कलेची सेवा केली. त्यांनी कलेच्या माध्यमातून लोकांच्या जीवनात चैतन्य फुलविण्याचे काम केले, असे गौरवोद्गार मुख्यमंत्री देवेंद्र फडणवीस यांनी काढले.
रवींद्र नाट्य मंदिर येथे वत्सला प्रतिष्ठानच्या वतीने आयोजित लोकशाहीर विठ्ठल उमप मृदगंध पुरस्कार वितरण सोहळ्यात फडणवीस बोलत होते. यावेळी वत्सला प्रतिष्ठानचे मुख्य विश्वस्त संदेश उमप, अभिनेते मकरंद अनासपुरे, मुंबई मित्रचे अभिजीत राणे आदी उपस्थित होते. मुख्यमंत्री म्हणाले की, लोकशाहीर विठ्ठल उमप यांच्या स्मृतिप्रित्यर्थ आयोजित पुरस्कार सोहळा हा खर्‍या अर्थाने लोककलावंतांचा सोहळा आहे. लोकशाहीर विठ्ठल उमप यांनी जीवनभर कलेची सेवा केली. त्यांच्याकडून प्रेरणा घेऊन अनेकांनी असामान्य कार्य केले आहे. त्यांनी सर्व प्रकारच्या कलाप्रकारामध्ये आपला ठसा उमटवला आणि समाजाला जागृत केले, अशा व्यक्तीच्या नावाचा पुरस्कार देण्याची संधी मला मिळाली याचा मला आनंद आहे.
यावेळी ज्येष्ठ अभिनेत्री सुलोचना चव्हाण यांना लोकशाहीर विठ्ठल उमप मृदगंध जीवनगौरव पुरस्कार फडणवीस यांच्या हस्ते प्रदान करण्यात आला. शिवाय अभिनेते मकरंद अनासपुरे, ज्येष्ठ गायक सुरेश वाडकर, ज्येष्ठ अभिनेत्री उषा नाडकर्णी, लोककलेचे अभ्यासक प्रकाश खांडगे, तमाशा कलावंत रघुवीर खेडकर यांना लोकशाहीर विठ्ठल उमप मृदगंध पुरस्कार प्रदान करण्यात आला.