ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

इंद्रायणीनगरमधील मतदार विक्रांतच्या पाठीशी - लांडे

पिंपरी, दि. २० (प्रतिनिधी) - इतरांवर भ्रष्टाचाराचे आरोप करणाऱ्यांचे काय व्यवसाय आहेत एवढे कळण्याएवढा इंद्रायणीनगरमधील मतदार सूज्ञ असून, सूज्ञ, सुसंस्कृत, उच्चशिक्षित आणि राजकीय वारसा असलेल्या विक्रांत लांडे यांच्या पाठीशी ठामपणे उभा राहील, असा विश्वास माजी आमदार विलास लांडे यांनी आज पत्रकारांशी बोलताना व्यक्त केला.

महापालिकेची सार्वत्रिक निवडणूक जाहीर झाल्यापासून प्रचारात रंगत येवू लागली आहे. भोसरी विधानसभेवर पुन्हा एकदा वर्चस्व प्रस्थापित करण्यासाठी माजी आमदार लांडे यांनी जोरदार तयारी केली आहे. निवडणुकीची तयारी आणि विक्रांत लांडे यांच्याबाबत काही ठराविक माध्यमातून उठविण्यात येणार्‍या अपप्रचाराचा लांडे यांनी खरपूस समाचार घेतला. यावेळी बोलताना लांडे म्हणाले, भोसरीचा विकास कोणी केला याची जाणिव येथील मतदारांना चांगली आहे. विधानसभा निवडणुकीत भाजपाची नव्हे तर नरेंद्र मोदी यांची हवा होती म्हणून अपयश आले. मात्र आता ती परिस्थिती राहिलेली नाही. भाजपाचा खोटारडेपणा उघडा पडला आहे. इतरांवर खोटे नाटे आरोप करणे आणि स्वत:ची पोळी भाजून घेणे, असा प्रकार सर्रासपणे सुरू आहे. महापालिकेच्या विविध प्रभागांमध्ये उमेदवारांची चाचपणी सुरू आहे. भोसरी गावठाणामध्ये सर्वाधिक इच्छुक राष्ट्रवादीकडे आहेत. इंद्रायणीनगरमधील काही मतदारांनी विक्रांत याला प्रभाग क्रमांक ८ मधून उभे करावे, अशी इच्छा प्रदर्शित केली होती. नागरिकांच्या आग्रहाखातर विक्रांत प्रभाग क्रमांक ८ मधून निवडणूक लढविणार आहे. 

अचानकपणे महानपण भेटलेले काहीजण जाणिवपूर्वक टीका करत आहेत. इंद्रायणीनगरमधील जनता सुज्ञ आहे. विक्रांतचे शिक्षण वाणिज्य पदवीधर व बिझनेस ट्रेनिंग कोर्स झालेले आहे. त्यामुळे सुशिल, सुसंस्कृत, उच्चशिक्षित आणि तरुण म्हणून विक्रांतला अधिक पसंती देतील, यात तिळमात्र शंका नाही. भाजपाचे एक इच्छुक उमेदवार विक्रांतवर टीका करताना दिसताहेत. त्यांनी खरेच इंद्रायणीनगरमध्ये निवडणूक लढवावी. भाजपाची जागा अडवून धरून आयत्यावेळी उमेदवारी माघारी घेवू नये. जनता कोणाच्या पाठीशी आहे, हे त्यांना निवडणुकीनंतर समजून येईल. प्रचाराची पातळी आम्ही कधीच सोडलेली नाही व सोडणार नाही. मात्र जशास तसे उत्तर देण्यासही आता मागेपुढे पाहणार नाही. 

विधानसभा निवडणुकीतही लोकांना विकासाचे गाजर दाखविणाऱ्यांनी भाजपाने अडीच वर्षांत केलेल्या कामाचा लेखाजोखा जनतेपुढे मांडावा, असे आवाहनही लांडे यांनी यावेळी केले. अनधिकृत बांधकामे, शास्तीकर, मोशी कचरा डेपोचे स्थलांतर आदी मुद्यांवर भाजपाचे आपले धोरण स्पष्ट करावे. सत्ता आल्यानंतर शंभर दिवसांत निर्णय घेऊ म्हणणाऱ्यांची शंभरी भरली आहे. येत्या महापालिका निवडणुकीत भोसरीतील जनता कोणाच्या पाठीशी आहे, हे नक्कीच दाखवून देईल, आणि मागल्या दाराने तडजोडी करणाऱ्यांना धडा शिकवेल, असा विश्वासही लांडे यांनी यावेळी व्यक्त केला.