ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

मुळा नदीवर तात्पुरता पूल बांधण्यास परवानगी, ग्रामस्थांचे उपोषण मागे

बोपखेल, दि. २६ - बोपखेलवासियांसाठी मुळा नदीवर तात्पुरता पूल बांधण्यास पुढील सहा महिन्यात परवानगी मिळणार आहे. पूल बांधण्यासाठी महापालिकेला नाहरकत प्रमाणपत्र देण्यात यावे, असे पत्र जिल्हाधिकारी कार्यालयाने संरक्षण विभागाला दिले आहे. त्यानंतर पुलाच्या मागणीसाठी पिंपरीत उपोषणाला बसलेल्या बोपखेलच्या ग्रामस्थांनी उपोषण मागे घेतले.

महापौर नितीन काळजे यांनी फळांचा रस पाजून त्यांचे उपोषण सोडवले. यावेळी सत्तारुढ पक्षनेते एकनाथ पवार, शिवसेनेचे गटनेते राहुल कलाटे, राष्ट्रवादीचे नगरसेवक श्याम लांडे, नगरसेवक सचिन चिखले, अमित गावडे, विकास डोळस, लक्ष्मण उंडे, हिराबाई घुले, निर्मला गायकवाड, माजी नगरसेवक मारुती भापकर, राष्ट्रवादीचे सरचिटणीस फजल शेख, चेतन घुले, सह शहर अभियंता राजन पाटील आदी उपस्थित होते.

हक्काचा रस्ता मिळावा या मागणीसाठी गेल्या पाच दिवसांपासून बोपखेलचे ग्रामस्थ पिंपरी चौकात उपोषणाला बसले होते. सर्वपक्षीय नेत्यांनी बुधवारी उपोषणकर्त्यांची भेट घेऊन उपोषण सोडण्याचे आवाहन केले. परंतु, लेखी पत्र दिल्याशिवाय उपोषण सोडणार नसल्याचा पवित्रा ग्रामस्थांनी घेतला होता.

महापालिकेच्या अधिका-यांची आज (गुरुवारी) पुण्याचे जिल्हाधिकारी सौरभ राव यांच्यासोबत तात्पुरत्या पुलाबाबत बैठक झाली. मुळा नदीवर तात्पुरता पूल बांधण्यासाठी ना हरकत प्रमाणपत्र देण्यात यावे, असे पत्र जिल्हाधिका-यांनी खडकी येथील स्टेशन हेडक्वॉर्टर, अॅम्युनेशन फॅक्टरी आणि डिफेन्स इस्टेट कार्यालयाला दिले आहे. 

तात्पुरता पूल बांधण्यासाठी परवानगी मिळाल्यानंतर पिंपरी-चिंचवड महापालिका पाच ते सहा महिन्यामध्ये पुलाचे काम पूर्ण करणार आहे.