ब्रेकिंग न्यूज
सावंतवाडी स्थानकाजवळ दुरांतो एक्स्प्रेसचे डबे रुळावरून घसरले      इंडोनेशियात फटाक्यांच्या कारखान्याला आग, २३ ठार, ४३ जखमी      ताजमहालची सफाई करण्यापेक्षा योगींनी आपल्या पक्षातल्या लोकांची कलुषित मने स्वच्छ करावी : असदुद्दिन ओवैसी      महालक्ष्मी एक्स्प्रेस वर मध्यरात्री दरोडा, जेजुरी राजेवाडी स्टेशन येथील घटना, सिग्नल नादुरुस्त करून केली लूट      पर्यटनासाठी आलेल्या स्वित्झर्लंडच्या एका जोडप्याला उत्तर प्रदेशच्या फतेहपूर सीक्रीत एका टोळक्याने केली मारहाण      मुंबै बँकेकडून राधाकृष्ण विखे-पाटील यांना नियमबाह्य कर्ज? विखेंच्या डबघाईस आलेल्या कंपनीला 35 कोटींचं कर्ज.      मुंबई - छेडछाडीच्या भीतीने तरुणीने ट्रेनमधून उडी मारल्याचं प्रकरण, आरोपीला रेल्वे पोलिसांकडून अटक.      चंदू चव्हाण यांना तीन महिन्यांची शिक्षा, एलओसी ओलांडल्याप्रकरणी चंदू चव्हाण दोषी      अमिताभ बच्चन यांच्या अनधिकृत बांधकामास एमआरटीपीची नोटीस      गडचिरोलीतील 1036 गावांनी घेतला नक्षल गावबंदीचा ठराव
...

अहिराणी भाषेवर संशोधन करणा-या तरुणांना सरकार शिष्यवृत्ती देणार - विनोद तावडे

भोसरी, दि. २९ - अहिराणी भाषेमध्ये प्रचंड साहित्य येत आहे. अहिराणी भाषा केवळ बोली भाषा राहता इतर ठिकाणी देखील आली पाहिजे. यापुढे अहिराणी भाषेवर संशोधन करणा-या तरुणांना राज्य सरकारतर्फे शिष्यवृत्ती देण्यात येईल, अशी घोषणा राज्याचे सांस्कृतिक शिक्षण मंत्री विनोद तावडे यांनी आज (रविवारी) भोसरीत केली.

भोसरी येथील अंकुशराव लांडगे सभागृहात पिंपरी-चिंचवड महापालिका आणि खान्देश अहिराणी कस्तुरी साहित्य, सांस्कृतिक, कला-क्रीडा मंच पुणे यांच्या संयुक्त विद्यमाने आयोजित केलेल्या एकदिवसीय राज्यस्तरीय अहिराणी साहित्य संमेलनाचे उद्घाटन तावडे यांच्या हस्ते झाले. त्यावेळी ते बोलत होते.

कार्यक्रमाच्या अध्यक्षस्थानी महापौर नितीन काळजे होते. संमेलनाध्यक्ष सुप्रसिद्ध साहित्यिक वि. दा. पिंगळे, आमदार महेश लांडगे, स्थायी समिती अध्यक्षा सीमा सावळे, सत्तारूढ पक्षनेता एकनाथ पवार, विरोधी पक्षनेता योगेश बहल, महापालिका आयुक्त श्रावण हार्डीकर, संमेलनाचे स्वागताध्यक्ष नगरसेवक नामदेव ढाके आदी उपस्थित होते.

प्रत्येक बोलीभाषा टिकविण्यासाठी सर्वांनी प्रयत्न करणे आवश्यक आहे. जुन्या पिढीला बोलीभाषेविषयी थोडीशी तरी माहिती असते. परंतु, नवीन पिढी यापासून अज्ञान राहत आहे. अहिराणी ही भाषा हजार वर्षांपूर्वीची आहे. महाराष्ट्रातील जळगाव, धुळे, नंदूरबार, नाशिक या भागापूरतीच ही भाषा मर्यादित नसून राजस्थानमध्येही अहिराणी बोलली जाते. अहिराणी भाषेचा गोडवा इतका की, समोरच्याने आपल्याला शिवी जरी दिली. तरी ती पुन्हा ऐकाविशी वाटते, असे तावडे म्हणाले.

खान्देशात साने गुरुजी, कवियित्री बहिणाबाई चौधरी यांनी आपल्या बोलण्यातून गाण्यांमधून अहिराणी भाषेची जोपासणा केली. अहिराणी भाषेचा गवगवा हा नुसताच खानदेशात नसून तर संपूर्ण देशभरात आहे. या भाषेच्या संर्वधनासाठी तसेच अहिराणी भाषा वृद्धींगत होण्यासाठी प्रयत्न करणार असल्याचेही, ते म्हणाले.