ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

भाविक नागरिकांची तहान भागविणे म्हणजे राजकीय स्टंट नव्हे - वैजयंता उमरगेकर

पिंपरी, दि. ७ - पिंपरी-चिंचवड महापालिकेकडून आळंदीला पिण्याचे पाणी उपलब्द्ध करून देणे हा राजकीय स्टंट नाही. महापालिकेने पुरवलेल्या पाण्यामुळे अवघ्या आळंदीकरांची तहान भागात आहे. पिंपरी-चिंचवडच्या उपलब्द्ध पाणी साठ्यातून आळंदी शहराला दोन लक्ष लिटर पिण्याचे पाणी नियमित मिळत असल्याने महापालिकेच्या निर्णयाचे स्वागत आळंदीत होत असल्याचे नगराध्यक्षा वैजयंता उमरगेकर (कांबळे) यांनी सांगितले. 

पिंपरी-चिंचवडला ज्या धरणातून पाणीपुरवठा होतो, त्या धरणांमध्ये कमी पाणीसाठा असताना देखील महापालिकेने मे महिन्यातसुद्धा आळंदीला पाणी दिले. हा पालिकेचा प्रामाणिक आणि उदात्त हेतू आहे. त्यामागे कसलाही राजकीय स्टंट नाही. महापालिकेने पाणीपुरवठ्याच्या निर्णयाला यश आल्याने विरोधकांकडून या विषयावर नाहक टीका होत आहे. 

आळंदीत आलेले पाणीसंकट पाहून उमरगेकर यांनी महापालिका महापौर नितीन काळजे, आयुक्त श्रावण हर्डीकर, आमदार महेश लांडगे यांच्यासमोर हा प्रश्न मांडला. मागणीची तातडीने दखल घेत आळंदी, चिखली, तळवडे, मोशी भागाची तसेच इंद्रायणी नदीचा पाहणी दौरा करून पाणी पुरवठा करण्याचा निर्णय घेतला आणि नियमित दोन लाख लिटर पाणी आळंदीला पालिकेकडून येऊ लागले. त्यामुळे आळंदीतील पाणी समस्येवर मोठ्या प्रमाणात आळा बसला. यापूर्वीच्या सरकारने सतत पाठपुरावा करून तांब्याभर पाणी दिले नव्हते, असे म्हणत उमरगेकर यांनी विरोधकांना टोला मारला. 

येत्या काळात जर समाधानकारक पाऊस पडला तर आळंदीला देण्यात येणा-या पाण्यात वाढ करणार असल्याचे महापौर नितीन काळजे यांनी सांगितले. तसेच इंद्रायणी नदीला प्रदूषणमुक्त करण्यासाठी युद्ध पातळीवर प्रयत्न करणार असल्याचेही ते म्हणाले. आषाढी यात्रेच्या दरम्यान संपूर्ण राज्यातून वारकरी आळंदीकडे येत असतात. त्यांची योग्य सोय होण्याकरिता चांगल्या रस्त्यांची निर्मिती करण्यात येणार आहे. त्यासाठी जिल्हा प्रशासनाच्या बांधकाम विभागाकडे वेळोवेळी पाठपुरावा करण्यात येत असून भाविक नागरिक यांना चांगल्या सोयी मिळाव्या यासाठी करण्यात येणारे केवळ प्रामाणिक प्रयत्न असून यात स्टंटबाजीला कसलाही थारा नाही, असेही उमरगेकर म्हणाल्या.