ब्रेकिंग न्यूज
सावंतवाडी स्थानकाजवळ दुरांतो एक्स्प्रेसचे डबे रुळावरून घसरले      इंडोनेशियात फटाक्यांच्या कारखान्याला आग, २३ ठार, ४३ जखमी      ताजमहालची सफाई करण्यापेक्षा योगींनी आपल्या पक्षातल्या लोकांची कलुषित मने स्वच्छ करावी : असदुद्दिन ओवैसी      महालक्ष्मी एक्स्प्रेस वर मध्यरात्री दरोडा, जेजुरी राजेवाडी स्टेशन येथील घटना, सिग्नल नादुरुस्त करून केली लूट      पर्यटनासाठी आलेल्या स्वित्झर्लंडच्या एका जोडप्याला उत्तर प्रदेशच्या फतेहपूर सीक्रीत एका टोळक्याने केली मारहाण      मुंबै बँकेकडून राधाकृष्ण विखे-पाटील यांना नियमबाह्य कर्ज? विखेंच्या डबघाईस आलेल्या कंपनीला 35 कोटींचं कर्ज.      मुंबई - छेडछाडीच्या भीतीने तरुणीने ट्रेनमधून उडी मारल्याचं प्रकरण, आरोपीला रेल्वे पोलिसांकडून अटक.      चंदू चव्हाण यांना तीन महिन्यांची शिक्षा, एलओसी ओलांडल्याप्रकरणी चंदू चव्हाण दोषी      अमिताभ बच्चन यांच्या अनधिकृत बांधकामास एमआरटीपीची नोटीस      गडचिरोलीतील 1036 गावांनी घेतला नक्षल गावबंदीचा ठराव
...

चाकणचे तत्कालीन उपसरपंच मंडळांच्या प्रमुखांवर चार वर्षांनी गुन्हा दाखल

चाकण, दि. ४ - रिलायन्स जिओ इन्फोकॉम लिमिटेड कंपनीने चाकण मध्ये २०१३ ते २०१४ दरम्यान केबल टाकण्याचे काम करताना झालेल्या ६८ लाखांच्या भ्रष्ट्राचार प्रकरणी अखेर चार वर्षांनी चाकण पोलिसांत तत्कालीन उपसरपंच, तत्कालीन ग्रामविकास अधिकारी आणि चाकण मधील सार्वजनिक मंडळांच्या अध्यक्ष सचिवांवर फसवणुकीचा गुन्हा दाखल करण्यात आला आहे. त्यामुळे रिलायन्स जिओ कंपनीने दिलेल्या त्या ६८ लाखांच्या डीडीचे रहस्य उलगडणार आहे.

चाकण नगरपरिषदेचे नगरसेवक किशोर ज्ञानोबा शेवकरी (वय ३७ वर्षे, रा.चाकण, ता.खेड, जि.पुणे) यांच्या फिर्यादीवरून तत्कालीन उपसरपंच प्रितम शंकरसिंग परदेशी, तत्कालीन ग्रामविकास अधिकारी दयानंद कोळी, नवनाथ मित्र मंडळाचे तत्कालीन अध्यक्ष, सेक्रेटरी यांच्या विरोधात गु. . नं.७२३/ १७ भा..वि. कलम ४०९, ४२०, ४६४, ४६७, ४६८, ४७१, ४७४, ३४ अन्वये गुन्हा दाखल करण्यात आला असल्याची माहिती चाकण पोलिसांनी दिली.

तत्कालीन सरपंच काळूराम गोरे नोंदींच्या प्रकरणात येरवडा कारागृहात असताना उपसरपंच प्रीतम परदेशी यांच्याकडे सरपंचपदाचे अधिकार होते. त्यामुळे तत्कालीन उपसरपंच परदेशी यांनी रिलायन्स जिओ कंपनीने चाकण हद्दीत खोदकामासाठी दिलेली ६७ लाख ७५ हजारांची रक्कम तत्कालीन चाकण ग्रामपंचायतला देता परस्पर चाकण येथील नवनाथ मित्र मंडळाच्या राजगुरुनगर सहकारी बँक (शाखा चाकण) लाला अर्बन को.. बँक (शाखा चाकण) येथील खात्यावर जमा केली

संबंधित मंडळाचे तत्कालीन अध्यक्ष, सेक्रेटरी यांच्या संगनमताने संबंधित रक्कम वेगवेगळ्या खात्याद्वारे काढून घेतली. नंतर तत्कालीन ग्रामसेवक डी.जी. कोळी रिलायन्स जीओ कंपनीशी संगनमत करून बनावट, खोटा दस्तएवज खरे असल्याचे भासवून ६७ लाख ७५ हजार मिळालेच नसल्याचे भासविण्याचा प्रयत्न केला. त्यामुळे संबंधित सर्वांनी तत्कालीन चाकण ग्रामपंचायत शासनाची फसवणूक केलेली असल्याचे किशोर शेवकरी यांनी आपल्या फिर्यादीत म्हटले आहे

त्यामुळे ६७ लाख ७५ हजारांच्या रकमेचे नेमके गौडबंगाल काय, हे स्पष्ट झाले आहे. चाकण पोलिसांकडून या संदर्भात अनेकांची चौकशी होण्याची शक्यता आहे Posted On: 04 August 2017