ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

दुचाकी चोरणा-या टोळीला भोसरी पोलिसांकडून अटक

भोसरी, दि. ५ - पोलिसांनी दुचाकी चोरणा-या जणांच्या टोळीला जेरबंद केले आहे. यामध्ये  त्यांच्याकडून १५ गुन्हे उघडकीस आणले असून साडेपाच लाखांचा मुद्देमाल हस्तगत करण्यात आला आहे.

सचिन सदाशिव चव्हाण (वय २५) रोहिदास उर्फ अशोक रावसाहेब चव्हाण (वय ३०) , दोघे राहणार. शेडगेवाडी, मुळशी, रमेश सुनील कदम (वय २०, रा. दापोडी), आकाश प्रकाश टिपनवार (रा. फुगेवाडी), अर्जुन किसान असवले (रा. नवी सांगवी), शाहनवाज किसन सय्यद (रा.कासारवाडी), अजमात शमशेर खान (रा. औरंगाबाद), अशी अटक केलेल्या आरोपींची नावे आहेत.

दोन सराईत दुचाकी चोरटे आळंदीतील शास्त्री चौक परिसरात दुचाकी विकण्यासाठी येणार असल्याची माहिती भोसरी पोलिसांना मिळाली. त्यानुसार पोलिसांनी सापळा रचून त्यांना ताब्यात घेतले. त्यांच्याजवळ असणारी दुचाकी चोरीची असल्याचे निदर्शनास आले असता त्यांना अटक करून अधिक चौकशी करण्यात आली. त्यांच्याकडून चोरीचे आणखी दहा गुन्हे उघडकीस आले. त्यांनी दिलेल्या माहितीनुसार इतर चोरट्यांना अटक करण्यात आली. त्यांच्याकडून भोसरी पोलीस ठाण्याच्या हद्दीतील पाच गुन्हे उघडकीस आले.  सर्व आरोपींकडून एकूण १५ गुन्हे उघडकीस आले असून लाख ५५ हजार रुपयांच्या  दुचाकी हस्तगत करण्यात आल्या.

वरिष्ठ पोलीस निरीक्षक दिलीप कुलकर्णी, पोलीस निरीक्षक (गुन्हे) अजय भोसले यांच्या मार्गदर्शनाखाली उपनिरीक्षक प्रमोद कटोरे, काळुराम लांडगे, कर्मचारी महादेव धनगर, संदीप गवारी, विनायक म्हसकर, गणेश हिंगे, संतोष महाडिक, बाळासाहेब विधाते, समीर रासकर, नितीन खेसे, सागर भोसले या पथकाने ही कारवाई केली