ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

पिंपरी पालिकेला लाचखोरीचे ग्रहण, ६ कर्मचारी पकडले

पिंपरी, दि. १ - पिंपरी-चिंचवड महापालिकेला लाचखोरीचे ग्रहण लागल्याची परिस्थिती निर्माण झाली आहे. कारण अवघ्या पाच महिन्यात पालिकेच्या सहा अधिकारी कर्मचा-यांना लाच घेताना एसीबीने रंगेहाथ पकडले आहे. त्यामध्ये तत्कालीन आयुक्तांच्या स्वीय सहाय्यकाचाही समावेश आहे.

सरकारी व्यवस्थेतील भ्रष्टाचार मोडीत काढण्यासाठी मोठ्या प्रमाणात प्रयत्न केले जात आहेत. जनजागरण मेळावे आणि शिबिराच्या माध्यमातून याचे महत्व पटवून दिले जात आहे. त्यानंतरही व्यवस्थेतील भ्रष्टाचार समोर येतच आहेत. पिंपरी-चिंचवड महापालिकेतील १७ फेब्रुवारी १९९७ ते ३१ जुलै २०१७ या कालावधीत तब्बल २२ अधिकारी, कर्मचा-यांना लाच स्वीकारताना एसीबीने रंगेहाथ पकडले आहे.

त्यापैकी १५ अधिकारी, कर्मचारी निर्दोष मुक्त होऊन सेवेत रुजू झाले आहेत. तर, एका अधिका-याला सेवेतून कार्यमुक्त करण्यात आले आहे. २२ मार्च ते ३१ जुलै २०१७ या अवघ्या पाच महिन्यात पालिकेतील सहा अधिकारी कर्मचा-यांना लाच स्वीकाराताना लाच लुचपत प्रतिबंधक (एसीबीने) रंगेहाथ पकडले आहेत. यामुळे मात्र पालिकेची प्रतिमा डागाळली जात आहे.

क्रीडा प्रबोधनासाठी जेवण नाष्टाचे बील पास करून देण्यासाठी तसेच, त्याचा अहवालासाठी पुरवठादाराकडून २० हजारांची मागणी पालिकेच्या शिक्षण अधिकारी अलका ज्ञानेश्वर कांबळे क्रीडा प्रबोधिनी शाळेचे मुख्याध्यापक बाबासाहेब अंबादास राठोड यांनी केली होती. त्यातील पाच हजार रुपयांची लाच स्वीकारताना २१ मार्च २०१७ रोजी एसीबीने रंगेहाथ पकडले होते.

एका बिल्डरला बांधकामाचा पूर्णत्वाचा दाखला देण्याकरीता त्याच्याकडून १२ लाखाची लाच स्वीकारताना पिंपरी-चिंचवड महापालिकेचे तत्कालीन आयुक्त दिनेश वाघमारे यांचे स्वीय सहाय्यक लघुलेखक राजेंद्र सोपान शिर्के यांना २४ एप्रिल २०१७ रोजी एसीबीने पालिकेच्या प्रवेशद्वारासमोरच रंगेहाथ पकडले होते. थेट आयुक्तांच्या स्वीय सहाय्यकालाच लाच स्वीकाराताना तेही पालिकेच्या प्रवेशद्वारासमोर पकडल्याने एकच खळबळ उडाली होती. त्यातच आयुक्तांची दोन दिवसांपूर्वी बदली होती. त्यामुळे यावरून विरोधकांनी तत्कालीन आयुक्तांवर गंभीर आरोप केले होते.

विनापरवाना लावलेले जाहिरात फलक कमी