ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

मेट्रो प्रकल्पासाठी ४८६ झाडांचा बळी, पर्यावरण प्रेमी नाराज

पिंपरी, दि. २ - मेट्रो प्रकल्पासाठी पिंपरी-चिंचवड शहरातील ४८६ झाडे तोडावी लागणार आहेत. प्रकल्पासाठी काढण्यात येणा-या या झाडांमुळे शहराचे पर्यावरण धोक्यात येणार आहे. पर्यावरण प्रेमींनी तीव्र शद्बांत नाराजी व्यक्त केली आहे. तर, पिंपरी- चिंचवड परिसरामध्ये तोडावयाच्या वृक्षांच्या १० पट अधिक वृक्ष लावून पाच वर्षे संवर्धन करणार आहे, असे महामेट्रोने स्पष्ट केले आहे.

महाराष्ट्र मेट्रो रेल कार्पोरेशनतर्फे स्वारगेट ते पिंपरी या पहिल्या मार्गाचे काम सुरू झाले आहे. त्यामध्ये पिंपरी-चिंचवड हद्दीतील हॅरिस पूल ते पिंपरी महापालिका अशा सात किलोमीटरचा पहिल्या टप्प्यात काम सुरू आहे. त्यामध्ये सहा मेट्रो स्थानके येणार आहेत.

महापालिकेच्या उद्यान विभागाने या महामार्गाच्या दुभाजकावर अनेक वर्षांपासून जोपासलेली झाडे मेट्रो प्रकल्पाच्या मार्गाला अडथळा ठरत आहेत. त्यामध्ये पिंपळ, उंबर, चंदन, कडुनिंब, खाया मोहगणी या देशी वृक्षांचाही समावेश आहे. मेट्रो प्रकल्पाच्या मार्गाला अडथळा ठरत असल्यामुळे ही झाडे तोडावी लागणार आहेत. यामुळे पर्यावरण प्रेमींनी नाराजी व्यक्त केली आहे. पालिकेच्या उद्यान विभागाने या झाडांना तीनदा जीवनदान दिले आहे. महामार्गाच्या रस्ता रुंदीकरणावेळी उद्यान विभागाने ही झाडे वाचविण्यासाठी शर्थीचे प्रयत्न केले. त्यानंतर बीआरटी प्रकल्पावेळी अशा पद्धतीने तीन वेळा ही झाडे वाचविण्यात उद्यान विभागाला यश आले.

महापालिका आयुक्त श्रावण हर्डीकर यांनी झाडे तोडण्यास परवानगी दिली आहे. हॅरिस ब्रीज ते पिंपरीच्या ग्रेडसेपरेटरपर्यंत झाडांचा विस्तार कमी करणे, झाडांचे पुर्नरोपण करणे, झाडे पूर्ण काढून टाकणे अशी एकूण ४८३ तसेच दुभाजकांवरील सुशोभीकरणासाठी लावलेल्या फुलांची झाडे वेल असा सुमारे चार हजार ५६७ चौरस मीटरचा भाग पूर्ण काढण्याची परवानगी देण्यात आलेली आहे. ही परवानगी देताना सुशोभीकरणाचे पुर्नस्थापन करणे, वृक्ष काढताना वाहतूक, विद्युत तारा इतर मालमत्तांचे नुकसान होणार नाही याची जबाबदारी घेण्याची अट आहे. काढलेल्या वृक्षाऐवजी प्रत्येकी १० वृक्ष लावण्यात यावेत, अन्यथा कारवाई करण्यात येईल, असा इशारा देण्यात आला आहे.