ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

वायसीएमच्या वैद्यकीय अधिका-याची खातेनिहाय चौकशी सुरू

पिंपरी, दि. ९ - अधिकारात नसताना विम्याच्या दाव्यासाठी खोटी बोगस कागदपत्रे तयार करणा-या पिंपरी-चिंचवड महापालिकेच्या वायसीएम रुग्णालयातील वैद्यकीय अधिका-याची खातेनिहाय चौकशी सुरू करण्यात आली आहे. याबाबत पालिका आयुक्त श्रावण हर्डीकर यांनी आदेश दिला आहे.

डॉ. श्रीकांत सिद्राम शिंगे असे खातेनिहाय चौकशी सुरू करण्यात आलेल्या वैद्यकीय अधिका-याचे नाव आहे. शिंगे हे पालिकेच्या यशवंतराव चव्हाण रुग्णालयात वैद्यकीय अधिकारी या '' श्रेणीतील पदावर कार्यरत आहेत. लखन घनःश्याम नवले यांचा १६ नोव्हेंबर २०१४ रोजी मृत्यू झाला. त्यांचे वायसीएम रुग्णालयात शवविच्छेदन झाले. मात्र, मार्च २०१७ रोजी नवले यांचा अहवाल भरून देताना डॉ. शिंगे यांनी त्यांचा मृत्यू १५ मार्च २०१६ रोजी झाल्याचे नमूद केले.

जीवन वीमा प्रतिपूर्ती संदर्भात मृत्यू दावा अर्ज भरण्याची जबाबदारी वैद्यकीय विभागाची असताना आणि वायसीएम रुग्णालयातील नोंदीनुसार, नवले यांच्या दाव्यासंदर्भातील प्रकरण डॉ. शिंगे यांच्याकडे देण्यात आले नसतानाही त्यांनी अनाधिकाराने मृत्यू दावा अर्ज भरला. या प्रकरणात आयसीआयसीआय या विमा संस्थेकडील ३० लाख रुपये रकमेचा तसेच अविवा लाईफ इन्शुरन्स या संस्थेच्या विम्याकरिता दावा दाखल करण्यात आला आहे. डॉ. शिंगे यांनी या जीवन विम्याचा अर्ज भरला असल्याने त्यांनी गंभीर स्वरूपाचे गैरवर्तन केल्याचे निदर्शनास आले.

खोटी बनावट कागदपत्रे तयार करून गैरवर्तन केल्याप्रकरणी डॉ. शिंगे यांना कारणे दाखवा नोटीस बजावण्यात आली. परंतु, या नोटीसीवर त्यांनी केलेला खुलासा असमाधानकारक आहे. डॉ. शिंगे यांनी सरकारी कर्मचा-याला अशोभनीय ठरेल, असे गैरवर्तन करून महाराष्ट्र नागरी सेवा नियमाचा भंग केल्याचे निष्पन्न झाले आहे. त्यामुळे महापालिका आयुक्त श्रावण हर्डीकर यांनी डॉ. शिंगे यांच्या खातेनिहाय चौकशीचे आदेश दिले आहेत. या आदेशाची नोंद त्यांच्या सेवानोंद पुस्तकातही घेण्यात येणार आहे.