ब्रेकिंग न्यूज
सावंतवाडी स्थानकाजवळ दुरांतो एक्स्प्रेसचे डबे रुळावरून घसरले      इंडोनेशियात फटाक्यांच्या कारखान्याला आग, २३ ठार, ४३ जखमी      ताजमहालची सफाई करण्यापेक्षा योगींनी आपल्या पक्षातल्या लोकांची कलुषित मने स्वच्छ करावी : असदुद्दिन ओवैसी      महालक्ष्मी एक्स्प्रेस वर मध्यरात्री दरोडा, जेजुरी राजेवाडी स्टेशन येथील घटना, सिग्नल नादुरुस्त करून केली लूट      पर्यटनासाठी आलेल्या स्वित्झर्लंडच्या एका जोडप्याला उत्तर प्रदेशच्या फतेहपूर सीक्रीत एका टोळक्याने केली मारहाण      मुंबै बँकेकडून राधाकृष्ण विखे-पाटील यांना नियमबाह्य कर्ज? विखेंच्या डबघाईस आलेल्या कंपनीला 35 कोटींचं कर्ज.      मुंबई - छेडछाडीच्या भीतीने तरुणीने ट्रेनमधून उडी मारल्याचं प्रकरण, आरोपीला रेल्वे पोलिसांकडून अटक.      चंदू चव्हाण यांना तीन महिन्यांची शिक्षा, एलओसी ओलांडल्याप्रकरणी चंदू चव्हाण दोषी      अमिताभ बच्चन यांच्या अनधिकृत बांधकामास एमआरटीपीची नोटीस      गडचिरोलीतील 1036 गावांनी घेतला नक्षल गावबंदीचा ठराव
...

नऊ वर्षांपासून पवना धरणाचे मजबुतीकरण रखडले

पिंपरी, दि. १०गेल्या ९ वर्षांपासून पिंपरी-चिंचवड शहराची जीवनदायिनी असणा-या पवना धरणाच्या मजबुतीकरणाचे काम रखडले आहे. मावळ परिसरातील शेतक-यांच्या विरोधामुळे हे काम रखडले आहे. धरण मजबुतीकरणाचे काम झाल्यास .४८ टीएमसी साठा क्षमता वाढणार आहे.

पिंपरी-चिंचवड शहराला पवना धरणातून पाणीपुरवठा केला जातो. धरणाच्या मजबुतीकरणाचे काम २००४ मध्ये सुरू करण्यात आले होते. मात्र, २००८ मध्ये मावळातील शेतक-यांच्या आंदोलनानंतर ते काम थांबविण्यात आले आहे. मजबुतीकरणामध्ये डागडुजी, देखभाल दुरुस्ती, पाण्याची गळती रोखणे याचा समावेश होता.

केंद्र शासनातर्फे सार्वजनिक सुविधा सक्षमीकरण, सुविधांचे सेवा पातळ्यांचे मानांकन निश्चित करण्याचे धोरण आखले गेले. त्यानुसार पुण्यापाठोपाठ जवाहरलाल नेहरू नागरी पुनर्निर्माण योजनेत (जेएनएनयूआरएम) भविष्यकालीन पाण्याचे नियोजन केले. त्यानुसार पवना धरणातून बंदिस्त जलवाहिनीद्वारे पाणी आणण्याची योजना पुढे आली. शहराची २०४१ ची लोकसंख्या गृहीत धरून पाण्याचे नियोजन करून २००८ मध्ये बंदिस्त जलवाहिनीचा प्रकल्प आराखडा तयार झाला. मात्र, त्याला मावळातील शेतक-यांनी प्रखर विरोध केला. त्यानंतर धरणाच्या मजबुतीकरणाचे काम देखील थांबविण्यात आले आहे.

हायड्रो इलेक्ट्रिसिटी जनरेशनसाठी टर्बाईनचा वापर केला जातो. पाण्यावर विद्युतनिर्मिती केली जाते. सब स्टेशनवरून तळेगावसाठी ती दिली जाते. पवना धरणसाठा क्षमता १०.७८ टीएमसी आहे. धरणात .६८ टीएमसी पाणी अडवले जाते. धरणाच्या मजबुतीकरणाचे काम २००४ मध्ये सुरू करण्यात आले, मात्र २००८ मध्ये मावळातील शेतकर्यांच्या आंदोलनानंतर ते काम थांबविण्यात आले आहे. धरण मजबुतीकरणाचे काम झाल्यास .४८ टीएमसी साठा क्षमता वाढेल, अशी माहिती अतिरिक्त कार्यकारी अभियंता जॉन बर्वे यांनी दिली.