ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

पिंपरी-चिंचवडसाठी स्वतंत्र पोलीस आयुक्तालय - गृहराज्य मंत्री पाटील

पिंपरी, दि. ११ - पिंपरी चिंचवडसाठी लवकरच स्वतंत्र पोलीस  आयुक्तालयाची निर्मिती करण्यात येणार आहे. याबाबतची माहिती आज विधानसभेत  गृहराज्यमंत्री रणजीत पाटील यांनी दिली. आमदार गौतम चाबुकस्वार, महेश लांडगे, लक्ष्मण जगताप, शरद सोनावणे, राहुल कुल यांच्या लक्षवेधी सूचनेवर उत्तर देताना ते बोलत होते.

महाराष्ट्र राज्य विधिमंडळाचे पावसाळी अधिवेशन सोमवारपासून (दि.२४ जुलै) सुरु झाले आहे. त्या पार्श्वभूमीवर आमदार लांडगे, भाजपचे शहराध्यक्ष आणि आमदार लक्ष्मण जगताप, आमदार गौतम चाबुकस्वार, शरद सोनवणे, राहुल कुल यांनी या मुद्यावर राज्य सरकारला सांकडे घातले आहे

दरम्यान, राज्य सरकारच्या वतीने गृहराज्यमंत्री डॉ. रणजित पाटील यांनी कायदेशीर बाबींची पूर्तता करण्याचे आदेश अधिका-यांना दिले आहेत. गृहविभागाच्या निर्देशानुसार पुणे पोलीस आयुक्तालयाने कार्यवाही करुन अहवालही सादर केला आहे. मुख्यमंत्री देवेंद्र फडणवीस यांनी स्वत: या प्रश्नात लक्ष घातले आहे. त्यामुळे आगामी काळात पिंपरी-चिंचवडला स्वतंत्र पोलीस आयुक्तालय स्थापन करण्याबाबत लवकरच घोषणा होईल

नव्या पोलीस आयुक्तालयाच्या हद्दीत पिंपरी-चिंचवड महापालिकेसह, चाकण, तळेगाव दाभाडे या औद्योगिक पट्ट्याचाही समावेश होण्याची शक्यता आहे. आयुक्तालयाचा प्राथमिक आराखडा तयार करून हद्द निश्चितीबाबतही विचार झाला आहे. पिंपरी-चिंचवडची लोकसंख्या २२ लाखांच्या जवळपास आहे. याशिवाय चाकण, तळेगावचा विचार करता लोकसंख्या वाढीला वाव आहे. सध्या पिंपरी-चिंचवडमध्ये एक उपायुक्त दर्जाचा अधिकारी असून, वाहतूक आणि विशेष शाखेसह अन्य वरिष्ठ अधिकारी पुण्यातील आयुक्तालयातून काम पाहतात. वाढते औद्योगिकीकरण आणि शहरीकरणामुळे गुन्हेगारी, जमिनीचे वाद आणि अन्य कारणांमुळे पिंपरी-चिंचवडमध्ये स्वतंत्र आयुक्तालयाची नितांत गरज आहे