ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

पडाळी वस्तीत आग, दोन सिलिंडर फुटल्याने मोठा भडका

खडकी, दि. १९ - खडकीच्या औंध रस्त्यावरील आंबेडकर चौकाजवळ असलेल्या पडाळी वस्तीमध्ये आज (शुक्रवारी) रात्री सुमारे साडेदहा वाजण्याच्या सुमारास मोठी आग लागली. प्राथमिक माहितीनुसार दोन सिलिंडर फुटल्याने आगीचा मोठा भडका उडाला असून घटनास्थळी पुणे आणि पिंपरी चिंचवड महापालिका अग्निशमन दलाच्या आठ फायरगाड्या रवाना झाल्या.

प्राथमिक माहितीनुसार, खडकीमधील पडाळी वस्तीमध्ये आज (शुक्रवारी) रात्री सुमारे साडेदहा वाजण्याच्या सुमारास येथील नागरिकांनी स्फोटाचा मोठा आवाज ऐकला. स्फोटाचा आवाज ऐकल्यानंतर नागरिक सैरावैरा पळून गेले. या स्फोटानंतर या वस्तीमध्ये आग भडकली. आग लागलेली पाहताच काही नागरिकांनी त्वरित घरातील सिलेंडर बाहेर काढले. त्यामुळे पुढील दुर्घटना टळली.

मात्र या वस्तीमध्ये मांडवाचे साहित्य ठेवण्यात आल्यामुळे आग आणखी भडकली. या वस्तीमध्ये बहुतांश झोपड्या या पत्र्याच्या असून या आगीत १५ ते २० झोपड्या जळून पूर्णपणे खाक झाल्याचे वृत्त आहे. घटनास्थळी अग्निशामक दलाच्या गाड्या पोचण्यास अडचण येत असल्याने या वस्तीलगत असणाऱ्या रॉयल कॅसल या मोठ्या गृहप्रकल्पाच्या अग्निशमन यंत्रणेतून पाण्याची फवारणी करण्यात आल्याने आग लवकर आटोक्यात आणण्यास मोठी मदत झाली. स्थानिक रहिवासी कार्यकर्ते यांनी प्रसंगावधान दाखवून आग विझविण्यासाठी प्रयत्न केल्याने आग लवकर आटोक्यात आली.

या आगीत झोपडी भस्मसात झाल्याचा धक्का सहन झाल्याने एक महिला चक्कर येऊन पडली होती. तिला तातडीने रुग्णवाहिकेत उपचार करण्यात आले. या वस्तीत सुमारे ५० घरे असून त्यापैकी सुमारे २०-२५ घरांना आगीची झळ पोहचली.