ब्रेकिंग न्यूज
सावंतवाडी स्थानकाजवळ दुरांतो एक्स्प्रेसचे डबे रुळावरून घसरले      इंडोनेशियात फटाक्यांच्या कारखान्याला आग, २३ ठार, ४३ जखमी      ताजमहालची सफाई करण्यापेक्षा योगींनी आपल्या पक्षातल्या लोकांची कलुषित मने स्वच्छ करावी : असदुद्दिन ओवैसी      महालक्ष्मी एक्स्प्रेस वर मध्यरात्री दरोडा, जेजुरी राजेवाडी स्टेशन येथील घटना, सिग्नल नादुरुस्त करून केली लूट      पर्यटनासाठी आलेल्या स्वित्झर्लंडच्या एका जोडप्याला उत्तर प्रदेशच्या फतेहपूर सीक्रीत एका टोळक्याने केली मारहाण      मुंबै बँकेकडून राधाकृष्ण विखे-पाटील यांना नियमबाह्य कर्ज? विखेंच्या डबघाईस आलेल्या कंपनीला 35 कोटींचं कर्ज.      मुंबई - छेडछाडीच्या भीतीने तरुणीने ट्रेनमधून उडी मारल्याचं प्रकरण, आरोपीला रेल्वे पोलिसांकडून अटक.      चंदू चव्हाण यांना तीन महिन्यांची शिक्षा, एलओसी ओलांडल्याप्रकरणी चंदू चव्हाण दोषी      अमिताभ बच्चन यांच्या अनधिकृत बांधकामास एमआरटीपीची नोटीस      गडचिरोलीतील 1036 गावांनी घेतला नक्षल गावबंदीचा ठराव
...

मिलिटरी डेअरी फार्मच्या कर्मचा-यांचे पिंपरीत धरणे आंदोलन

पिंपरी, दि. २३ - केंद्रीय संरक्षण विभागाने देशभरातील ३९ मिलिटरी डेअरी फार्म १४ ऑक्टोबरपासून बंद करण्याचा निर्णय घेतला आहे. त्यामुळे पिंपरी येथील मिलिटरी डेअरी फार्म देखील बंद होणार आहे. डेअरी फार्म बंद करण्याच्या निषेधार्थ खडकी-पिंपरी सिव्हिलियन एम्प्लॉईज मिलिटरी फार्म ट्रेड युनियनच्या वतीने आज (बुधवारी) पिंपरीत एक दिवसाचे धरणे आंदोलन सुरु केले आहे.

डेअरी फॉर्म येथून कर्मचा-यांनी सकाळी दहा वाजता रॅली काढली. त्यांनतर पिंपरीतील, डॉ. बाबासाहेब आंबेडकर पुतळा चौकात एकदिवसीय धरणे आंदोलनाला सुरुवात केली आहे. सायंकाळी पाचवाजेपर्यंत धरणे आंदोलन करण्यात येणार आहे. यामध्ये मिलिटरी डेअरी फार्मचे अध्यक्ष शिवाजी टाक, हरिशंकर यादव, रमेश यादव, दिलीप यादव, देवेंद्र यादव, संतलाल यादव, दत्तात्रय कांबळे, भारतीय मजदूर संघाचे अर्जुन चव्हाणसुरेश भालेराव, आझाद यादव, सोनू यादव, प्रदीप यादव, कमलेश यादव, राजाराम फाळके, पद्मा तिरखुंडे, स्वाती बांगडे, नंदा थोरवे, उमा भोसले, मीरा तिरखुंडे, नंदा तिरखुंडे, रेखा खापरे आदी कर्मचारी मोठ्या संख्येने सहभागी झाले आहेत.

केंद्रीय संरक्षण विभागाने देशभरातील ३९ मिलिटरी डेअरी फार्म बंद करण्याचा निर्णय घेतला आहे. निर्णयाची झळ पिंपरी येथील मिलिटरी डेअरी फार्मला देखील बसणार आहे. हजारो गायी देशभरातील डेअरी फार्ममध्ये आहेत, डेअरी फार्म बंद झाल्याने गायीचे भवितव्य धोक्यात आले आहे. या फार्ममध्ये हजारो कामगार कार्यरत आहेत. फार्म बंद झाल्याने त्यांच्यावर देखील आर्थिक संकट येणार आहे.

मिलिटरी फार्म कोअर ही संस्था ब्रिटिश सरकारने १८८९ मध्ये सुरू केली. भारतात एकूण ३९ मिलिटरी डेअरी फार्म आहेत. त्यामध्ये एकूण २५ हजार पेक्षा अधिक संकरित गायी असून चार हजार पेक्षा अधिक कामगार काम करीत आहेत. महाराष्ट्रात अहमदनगर, नाशिक (देवळाली) आणि पिंपरी येथे मिलिटरी डेअरी फार्म आहेत. त्यातील एकट्या पिंपरी डेअरी फार्ममध्ये हजार संकरित गायी असून दररोज सात हजार लिटर दूध संकलन होत आहे.