ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

हॅरिस पुलावर स्कूल बस जळून खाक

पिंपरी, दि. १० - पुणे-मुंबई महामार्गावर दापोडी येथील हॅरीस पुलावर विद्यार्थी वाहतूक करणाऱ्या मिनीबसने आज दुपारी दीडच्या सुमारास अचानक पेट घेतला. चालकाने प्रसंगावधान राखून विद्यार्थ्यांना योग्यवेळी बसमधून बाहेर काढल्याने कोणालाही दुखापत झाली नाही, मात्र ती स्कूल बस पूर्णपणे जळून खाक झाली. या दुर्घटनेमुळे दापोडी-बोपोडी परिसरात वाहतुकीची मोठ्या प्रमाणात कोंडी झाली होती. 

दापोडीकडून खडकीच्या दिशेने जात असलेल्या एका स्कूलबसमधून अचानक धूर येऊ लागला आग भडकली. बसचालकाने जवळील पाण्याच्या बाटलीतील पाणी ओतून आग विझविण्याचा प्रयत्न केला, मात्र आग चांगलीच भडकल्याने परिस्थितीचे गांभीर्य लक्षात घेऊन बसचालकाने बसमधील पाच-सहा विद्यार्थ्यांना बाहेर काढले त्यांना बरोबर घेऊन तो निघून गेला, अशी माहिती या घटनेचे प्रत्यक्षदर्शी बाबा भिका माळी यांनी एमपीसी न्यूजशी बोलताना दिली. 

पिंपरी-चिंचवड अग्निशामक दलाच्या दोन बंबांनी घटनास्थळी धाव घेऊन आग विझविण्याचा प्रयत्न केला, मात्र तोपर्यंत बस पूर्णपणे जळून खाक झाली होती. बसचालक बस सोडून निघून गेल्यामुळे ती कोणत्या शाळेची स्कूल बस होती, याबाबत पोलिसांना अजून माहिती मिळू शकली नाही. 

दापोडीकडून खडकीच्या दिशेने जाणारी स्कूल बस हॅरिस पुलावर मधोमध पेटल्याने पुण्याकडे जाणारी वाहतूक पूर्णपणे ठप्प झाली होती. काही वाहनचालकांनी मुंबईकडे जाणाऱ्या बाजूने वाहने पुढे दामटण्याचा प्रयत्न केल्यामुळे दुसऱ्या बाजूलाही वाहतुकीची मोठी कोंडी झाली होती. दुपारी तीनपर्यंत या परिसरातील वाहतूक अत्यंत मंदगतीने सुरू असल्याचे पाहायला मिळत होते. आधीच प्रचंड उकाडा आणि त्यात वाहतूक कोंडी यामुळे वाहनचालक प्रवाशांचे प्रचंड हाल झाले