ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

रूग्णालयांसाठी औषधे दोन टक्के जादा दराने खरेदी करणार

पिंपरी, दि. २६ - महापालिकेच्या वायसीएम रूग्णालयासह इतर रूग्णालये आणि दवाखान्यांसाठी औषधे साहित्याची खरेदी करण्यात येते. रूग्णांना विविध प्रकारची तातडीक औषधे किंवा साहित्याची आवश्यकता असते. अपवादात्मक परिस्थितीत लागणारी ही औषधे खरेदी करण्यासाठी औषध पुरवठा करणा-या पिंपरीतील एजन्सीसमवेत दोन वर्षे कालावधीकरिता करारनामा करण्यात येणार आहे. मात्र, ही औषध खरेदी मागील खरेदीपेक्षा दोन टक्के जादा दराने करण्यात येणार आहे.

महापालिकेच्या यशवंतराव चव्हाण रूग्णालयास आवश्यक औषधे किंवा साहित्याचा पुरवठा मध्यवर्ती औषध भांडाराकडून करण्यात येतो. यासाठी रूग्णालयाची औषधे किंवा साहित्याची वार्षिक मागणी मध्यवर्ती औषध भांडाराकडे आगाऊ नोंदविण्यात येते. रूग्णालयात विविध गंभीर आजारांचे आणि अपघातग्रस्त रूग्ण दाखल होत असतात. रूग्णांना विविध प्रकारची तातडीक औषधे किंवा साहित्याची आवश्यकता असते. तथापि, अपवादात्मक परिस्थितीत रूग्णांसाठी आवश्यक औषधे किंवा साहित्याचा पुरवठा मध्यवर्ती औषध भांडाराकडून होत नाही. त्यामुळे वायसीएम रूग्णालयातील औषध भांडारात शिल्लक नसणारी तसेच मध्यवर्ती औषध भांडाराकडील निविदेत समाविष्ट नसणारी औषधे रूग्णालय पातळीवर दक्षता म्हणून खरेदी करण्यात येतात. 

वायसीएम रूग्णालयामार्फत तातडीने आवश्यक औषधे किंवा साहित्य खरेदी करण्यासाठी निविदा प्रक्रिया राबविली जाते. औषधे किंवा साहित्याच्या उत्पादीत किमतीवर किती सुट देणार, या धर्तीवर निविदा मागविण्यात येतात. निविदा मुदत दोन वर्षाकरीता असते. यापुर्वीची निविदा ब्रॅण्डेड औषधांच्या किमतीवर .२५ टक्के, जेनेरिक औषधांच्या किमतीवर ५२ टक्के आणि सर्जीकल साहित्याच्या किमतीवर ४३ टक्के सवलत या दराने स्विकृत करण्यात आली होती. याच निविदाप्राप्त दराने वायसीएम रूग्णालयासह महापालिकेची इतर रूग्णालये किंवा दवाखाने यांच्याकडून अपवादात्मक परिस्थितीमध्ये आवश्यक औषधे किंवा साहित्याची खरेदी करण्यात येते. त्याची तरतुद वायसीएम रूग्णालयाकडून रूग्णालयाच्या अर्थसंकल्पातील 'औषध खरेदी' या लेखाशिर्षातून करण्यात येते. 

महापालिकेची इतर रूग्णालये, दवाखाने यांनी खरेदी केलेल्या तातडीक औषधे किंवा साहित्य रकमेची तरतुद मुख्य औषध भांडाराकडील 'औषध खरेदी' या लेखाशिर्षातून दाखविण्यात येते. या निविदेची मुदत डिसेंबर २०१६ पर्यंत होती. या आदेशास पुढील निविदा कार्यवाही पूर्ण होईपर्यंत मुदतवाढ घेण्यात आली आहे. Posted On: 26 April 2017