ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

टँकर लॉबीसाठीच दिवसाआड पाणीपुरवठ्याचा निर्णय - श्रीरंग बारणे

पिंपरी, दि. १६ - पवना धरणामध्ये पुरेसा पाणी साठा उपलब्ध असताना एक दिवसाआड पाणी देण्याचा पिंपरी-चिंचवड महापालिकेचा निर्णय केवळ टँकर लॉबीला पाठीशी घालण्यासाठी घेतल्याचा आरोप खासदार श्रीरंग बारणे यांनी केला आहे. तसेच शहरातील नागरिकांना एक दिवसाआड पाणी पुरवठा केला जातो, तो दररोज एक वेळ पाणी पुरवठा करावा अशी मागणीही त्यांनी केली आहे.  खासदार श्रीरंग बारणे यांनी महापालिका आयुक्त श्रावण हार्डीकर महापौर नितीन काळजे यांना पत्र पाठवून शहराला दररोज एक वेळ पाणीपुरवठा करण्याची मागणी केली आहे. 

पवना धरणातील गाळ काढण्याच्या कामाच्या शुभारंभप्रसंगी बारणे पवना धरण भागात गेले असता त्यांना धरणामध्ये पुरेसा पाणीसाठा उपलब्ध असल्याचे दिसले. पाटबंधारे विभागाच्या अधिका-यांकडे माहिती घेतली असता धरणात असलेला उर्वरित ३२% पाणी साठा ऑगस्टपर्यंत पुरेसा असून धरणामध्ये गेल्या वर्षाच्या तुलनेत मुबलक पाणीसाठा आहे, असे बारणे यांनी म्हटले आहे.

पवना धरणात पाणी साठा उपलब्ध असतानाही पाऊस वेळेवर येणार असल्याचा अंदाज वेधशाळेने दिला असल्याने दिवसाआड पाणी देण्याची सध्या तरी आवश्यकता वाटत नाही. टँकरवाल्यांचे हित जोपासण्यासाठी जाणून बुजून दिवसाआड शहरातील नागरिकांना पाणी देण्यात येत आहे. यामुळे नागरिकांचे हाल होत आहे, असा आरोप बारणे यांनी केला आहे.

पिंपरी-चिंचवड शहरामध्ये मोठ्या प्रमाणावर इमारती असून टँकरने पाणी पुरवठा करणारे वाटेल तसे टँकरचे दर लावत असल्याने सोसायटीमध्ये राहणा-या पाण्याची आवश्यकता असणा-या नागरिकांना नाहक पैसे मोजावे लागत आहे. यामध्ये टँकर माफियांचे भले होत असून सर्व सामान्य नागरिकांना आर्थिक झळ पोहोचत आहे. नागरिकांना पाण्याच्या या त्रासापासून मुक्त करण्यासाठी दररोज एक वेळ अधिक दाबाने पाणी देण्यात यावे अशी मागणी खासदार बारणे यांनी केली आहे.