ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

प्रधानमंत्री आवास योजनेची परस्पर अंमलबजावणी कशी, महापौरांचा महासभेत त्रागा

पिंपरी, दि. २० - प्रधानमंत्री आवास योजनेबाबत सर्वपक्षीय नगरसेवकांना माहिती देणे गरजेचे होते. या योजनेची प्रशासनाने  परस्पर अंमलबजावणी कशी सुरू केली, असा संतप्त सवाल महापौर नितीन काळजे यांनी आयुक्तांना विचारला. तसेच या योजनेची माहिती सर्व नगरसेवकांना देण्याचे आदेश महापौर काळजे यांनी आयुक्त श्रावण हर्डीकर यांना दिले आहेत.
पिंपरी-चिंचवड महापालिकेमार्फत प्रधानमंत्री आवास योजनेअंतर्गत सर्वांसाठी घरे हा प्रकल्प राबविण्यात येणार आहे. त्यासाठी महापालिकेमार्फत घरांचे मागणी सर्वेक्षण करण्यात येत आहे. पालिकेकडून नागरिकांकडून अर्ज भरून घेतले जात आहेत. परंतु, याबद्दल महापौर नितीन काळजे यांना कसलीच माहिती प्रशासनाने दिली नाही. हा निर्णय प्रशासनाने परस्पर घेतला असल्याचे, महापौर काळजे म्हणाले.

आमदार लक्ष्मण जगताप यांनी प्रधानमंत्री आवास योजनेचे प्रसिद्धीपत्रक काढून अर्ज करण्याचे आवाहन, नागरिकांना केले होते. तसेच अर्ज दाखल करण्यासाठी  केवळ आधारकार्डच देण्याचे त्यांनी सांगितले होते. प्रधानमंत्री आवास योजना महापालिका राबविणार आहे. त्यामुळे अर्ज करण्याचे आवाहन खरेतर महापौरांनी करणे गरजेचे होते. परंतु, या योजनेची अधिका-यांनी महापौरांना कसलीच माहिती दिली नाही. त्यामुळे शुक्रवारी झालेल्या सर्वसाधारण सभेत महापौरांनी आपल्या मनातील खदखद बोलून दाखविली. विशेष म्हणजे प्रकल्प पहिल्या टप्यात महापौरांच्याच प्रभागात राबविण्यात येणार आहे. 

कोणतेही निर्णय घेताना पदाधिका-यांना विचारात घेतले पाहिजे. या योजनेबाबत नागरिकांकडून नगरसेवकांना विचारले जात आहे. मात्र, बहुतांश नगरसेवकांना या योजनेची माहितीच नाही. त्यामुळे नगरसेवक त्रस्त आहेत. वर्तमानपत्रातून बातम्या वाचायला मिळत आहेत. प्रधानमंत्री आवास योजनेसह, केंद्र सरकारच्या सर्व  योजनांची माहिती सर्वपक्षीय नगरसेवकांना देण्याचे आदेश, महापौर नितन काळजे यांनी आयुक्त हर्डीकर यांना  दिले आहेत.