ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

पीएमआरडीतर्फे इंद्रायणी नदीसुधार प्रकल्प राबवावा - महापौर काळजे

पिंपरी, दि. २३ - इंद्रायणी नदीचे देहू ते आळंदी पात्र पुणे महानगर क्षेत्र विकास प्राधिकरण (पीएमआरडीए)च्या हद्दीत येते. त्यामुळे पीएमआरडीएने प्राधान्याने देहू ते आळंदीपर्यंतचा इंद्रायणी नदीचा भाग विकसित करण्याचा प्रकल्प तातडीने राबविण्याची मागणी महापौर नितीन काळजे यांनी पीएमआरडीएकडे केली आहे.

याबाबत महापौर काळजे यांनी पीएमआरडीएचे मुख्य कार्यकारी अधिकारी किरण गित्ते यांना निवेदन दिले आहे. त्यात त्यांनी म्हटले आहे की, पिंपरी-चिंचवड शहराच्या हद्दीस लागून इंद्रायणी नदी वाहते. इंद्रायणी नदीच्या काठावर देहू आळंदी ही महाराष्ट्रातील मुख्य तिर्थक्षेत्र आहेत. या ठिकाणी महाराष्ट्राच्या कानाकोप-यातून वारकरी भाविक येत असतात.

देहू ते आळंदी हे पात्र पीएमआरडीएच्या हद्दीत येते. पीएमआरडीएमार्फत इंद्रायणी नदी सुधार प्रकल्प हाती घेण्यात येणार आहे. त्यामुळे पीएमआरडीएने प्राधान्याने देहू ते आळंदीपर्यंतचा नदीचा भाव विकसित करण्याचा प्रकल्प तातडीने हाती घेण्यात यावा, असे महापौर काळजे यांनी निवेदनात म्हटले आहे.

पिंपरी-चिंचवड महापालिकेच्या हद्दीत येणा-या पात्रासाठी आवश्यक खर्च महापालिकेमार्फत देण्यासाठी किंवा कंपन्या, बांधकाम व्यावसायिक आदींच्या सीएसआर फंडातून घेण्याबाबत कार्यवाही करता येऊ शकेल, असेही त्यांनी निवेदनात म्हटले आहे.