ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

नगरसेवकांच्या प्रश्नांवर अधिका-यांची भंबेरी, नगरसेवकांची नगण्य उपस्थिती

पिंपरी, दि. २४ - स्वच्छ भारत अभियानात पिंपरी-चिंचवड शहराची क्रमवारी का घसरली, याला जबाबदार कोण,  शहरातील कचरा नियमितपणे का उचलला जात नाही. ओला आणि सुका कचरा वेगवेगळा का केला जात नाही, अशा विविध प्रश्नांची सरबत्ती नगरसेवकांनी केली. निमित्त होते नगरसेवकांच्या कार्यशाळेचे. या कार्यशाळेला १३३ नगरसेवकांपैकी केवळ ५१ नगरसेवकांनी उपस्थिती दर्शविली. सर्वपक्षीय नगरसेवकांना विविध शासकीय योजनांची माहिती देण्यासाठी महापौर नितीन काळजे यांनी कार्यशाळा घेण्याचे आदेश अधिका-यांना दिले होते.

त्यानुसार आज (बुधवारी) चिंचवड येथील ऑटो क्लस्टर सभागृहात नगरसेवकांची कार्यशाळा पार पडली. यावेळी महापौर नितीन काळजे, उपमहापौर शैलजा मोरे, सत्तारुढ पक्षनेते एकनाथ पवार, स्थायी समितीच्या अध्यक्षा सीमा सावळे, शहर सुधारणा समितीचे सभापती सागर गवळी, अतिरिक्त आयुक्त तानाजी शिंदे, माहिती तंत्रज्ञान अधिकारी निळकंठ पोमण आदी उपस्थित होते.

स्वच्छ भारत अभियानाअंतर्गत सह आयुक्त दिलीप गावडे यांनी माहिती दिली. स्वच्छतेबाबत पालिका राबवित असलेल्या सर्व योजनांची माहिती त्यांनी दिली. त्यानंतर नगरसेवकांनी प्रश्नांच्या फैरी झाडल्या.

शिवसेनेच्या नगरसेविका मीनल यादव यांनी प्रभागातील कचरा नियमितपणे उचलला जात नसल्याची तक्रार केली. राष्ट्रवादीच्या नगरसेविका गीता मंचरकर यांनी गांधीनगर येथील समस्यांकडे अधिका-यांचे लक्ष वेधले. नीता पाडाळे यांनी ओला आणि सुका कचरा वेगळा-वेगळा केला जात नसल्याची तक्रार केली. 

पालिकेने वाटलेल्या डस्टबीनमध्ये कचरा बसत नाही. पालिका पुन्हा डस्टबीनचे वाटप करणार आहे का? प्रभागातील रस्ते का साफ केले जात नाहीत, अशा विविध प्रश्नांच्या फैरी नगरसेवकांनी झाडल्या. नगरसेवकांच्या प्रश्नांना उत्तरे देताना अधिका-यांची भंबेरी उडाली.

प्रधानमंत्री आवास योजनेमध्ये कोणाला घरे मिळणार आहेत? ती घरे मोफत मिळणार आहेत का नागरिकांना किती पैसे भरावे लागणार आहेत. अर्जासोबत कोणती कागदपत्रे द्यावयाची आहेत. घरकुल योजनेत ज्यांना घरे मिळाली नाहीत, अशा नागरिकांनी या योजनेसाठी पुन्हा अर्ज करायचे आहेत का? असे विविध प्रश्न नगरसेवकांनी अधिका-यांना विचारले. प्रधानमंत्री आवास योजनेची नगरसेवकांना माहिती देताना सह आयुक्त योगेश कडूसकर यांना मात्र घाम फुटला होता.