ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

बारावीमध्ये मुलाला कमी मार्क मिळाले म्हणून येथे पित्याची गळफास घेवून आत्महत्या

पिंपरी, दि. ३१ -  बारावीच्या परिक्षेत मुलाला कमी गुण मिळाले या कारणावरुन पित्याने राहत्या घरी गळपास घेवून आत्महत्या केल्याची धक्कादायक घटना पिंपरी गाव येथे घडली आहे. विश्वंबरम माधवन पिल्ले (वय.४८ रा. सुकवानी कस्टल, पिंपरीगाव) असे मयत इसमाचे नाव आहे. 

पोलीसांनी दिलेल्या माहितीनुसार, पिल्ले यांचा मुलगा विज्ञान शाखेमध्ये  शिकत होता. आज बारावीचा निकाल होता. त्यामुळे घरात सकाळपासूनच तणावाचे वातावरण होते. त्यात मुलाला ७१ टक्के गुण मिळाले. हे विश्वंबरम यांच्या अपेक्षेपेक्षा कमी गुण होते. त्यामुळे त्यांनी घरातील बाथरुममध्ये जाऊन शॉवरला ओढणीने गळफास घेतला, असे नातेवाईकांनी सांगितले आहे.

विश्वंबरमयांचे भोसरीतील लांडेवाडी येथे नुटक इंजिनीयरींग यानावाचे वर्कशॉप आहे. त्यांना मुलाने बारावीमध्ये चांगले गुण घेणे अपेक्षीत होते मात्र तसे झाल्याने त्यांनी आत्महत्या केल्याचे प्रथमदर्शनी दिसत असल्याचे पोलीसांचे म्हणणे आहे.याबाबत पिंपरी पोलीस घटनास्थळी दाखल झाले असून पोलीस अधिक तपास करत आहेत.

बारावीच्या निकालाच्या धास्तीने सांगवीतील एक मुलगी आत्महत्या करण्यास गेली होती तर एका पित्याने मुलाचे गुण कमी मिळाले म्हणून आत्महत्या केली आहे. दोन्ही घटना या विचार करायला लावणा-या आहेत. यामध्ये बारावीचा निकाल हा जिवापेक्षा मोठा असतो का याचा  विचार पालक त्यांच्या पाल्यांनीही करायला हवा.....कारण परिक्षेची संधी मिळते जगण्याची नाही.